திமுக - சிபிஎம் இடையே நீடிக்கும் இழுபறி: தொகுதி பங்கீடு குறித்து நாளை முக்கிய முடிவு

பேச்சுவார்த்தைக்குப் பிறகு சிபிஎம் மாநிலச் செயலாளர் பெ.சண்முகம் கூறியதாவது:-

திமுக கூட்டணியில் 5 தொகுதிகளைப் பெற்றுக் கொண்டு ஒத்துழைக்க வேண்டும் என முதலமைச்சர் கேட்டுக் கொண்டார்.

முதலமைச்சரே சிரமங்களை விளக்கி வேண்டுகோள் விடுத்திருப்பதால் இது குறித்து எங்கள் கட்சியின் மாநிலக் குழுவில் ஆலோசித்து முடிவெடுப்போம்.

திமுக கூட்டணியில்தான் சிபிஎம் 2026 தேர்தலைச் சந்திக்கும். கொள்கைப் பூர்வமாக கூட்டணியில் நீடிக்கிறோம். தொகுதி எண்ணிக்கை பொறுத்து நீடிக்கலாமா? வேண்டாமா? என முடிவு செய்யும் கட்சியல்ல சிபிஎம்” என்றார்.

இந்நிலையில், திமுக கூட்டணியில் 5 தொகுதிகளை ஏற்க வேண்டும் என முதலமைச்சர் கேட்டது பற்றி விவாதிக்க நாளை மீண்டும் கூடுகிறது CPM மாநில செயற்குழு கூட்டம்.

சென்னையில் நாளை காலை 10 மணிக்கு நடைபெறும் கூட்டத்தில் தொகுதி எண்ணிக்கை குறித்து முக்கிய முடிவு எடுக்கப்பட உள்ளது.