காவிரி நீர்ப்பிடிப்பு பகுதிகளில் தொடர் மழை: கர்நாடக அணைகளுக்கு நீர்வரத்து அதிகரிப்பு

காவிரியின் முக்கிய துணை நதியான கபினி நதி கேரளாவில் உற்பத்தியாகிறது. இந்த நதி உற்பத்தியாகும் வயநாடு மலைப்பகுதியில் கடந்த சில வாரங்களாக மழை பெய்து வருவதால் கபினி அணைக்கும் நீர்வரத்து வினாடிக்கு 795 கன அடியாக உள்ளது. அணையில் இருந்து குடிநீருக்காக வினாடிக்கு 100 கன அடி தண்ணீர் திறந்து விடப்பட்டுள்ளது.

கிருஷ்ணராஜசாகர் மற்றும் கபினி அணைகளை போல காவிரியின் குறுக்கே உள்ள ஹேமாவதி, ஹாரங்கி ஆகிய அணைகளுக்கும் நீர் வரத்து அதிகரித்துள்ளதால் 4 அணைகளின் நீர்மட்டமும் மெல்ல, மெல்ல உயர்ந்து வருகிறது.

இந்த ஆண்டு தென்மேற்கு பருவ மழை தொடங்கிய சில நாட்களிலேயே கர்நாடகாவில் அணைகளுக்கு நீர்வரத்து அதிகரித்துள்ளது குறிப்பிடத்தக்கது.

இனி வரும் நாட்களில் காவிரி நீர்ப்பிடிப்பு பகுதிகளில் தென்மேற்கு பருவ மழை தீவிரம் அடைந்தால் கபினி மற்றும் கிருஷ்ணராஜசாகர் அணையின் நீர்மட்டம் வேகமாக உயர வாய்ப்புள்ளது.

அந்த அணைகள் நிரம்பும் போது தமிழகத்திற்கும் காவிரி ஆற்றில் தண்ணீர் திறந்து விடப்பட்டு மேட்டூர் அணைக்கு நீர்வரத்து அதிகரிக்கும் என்பதால் விவசாயிகள் மகிழ்ச்சி அடைந்துள்ளனர்.