அழுத்தத்திற்கு அடிபணியாமல் பிரதமர் மோடிக்கு, ரங்கசாமி சவால் விடுக்கிறார்- நாராயணசாமி

பாஜகவுக்கு ஆதரவாக கவர்னர் கைலாஷ்நாதன் நடந்து கொள்வதைதான் இது காட்டுகிறது. மேலும், நிர்வாகத்தில் கவர்னர் தலையீடு செய்வதையும் இது வெளிப்படுத்துகிறது.

ஆனால் நிர்வாகத்தில் மக்கள் நலத் திட்டங்கள் முடங்கியுள்ளன. எல்லா துறைகளிலும் ஊழல் மலிந்துள்ளது. தமிழகத்தில் முதல்வர் ஜோசப் விஜய் ஊழல் மீது கடுமையான நடவடிக்கை எடுக்கப்படும் என்று கூறியுள்ளார்.

அதுபோன்று புதுச்சேரி முதல்-அமைச்சர் ரங்கசாமி சொல்வதற்குத் தயாரா? முதல்-அமைச்சர் ரங்கசாமி நிர்வாகத்தில் கவனத்தில் செலுத்தாமல் வழக்கம்போல தனிப்பட்ட விஷயங்களில் அதிக கவனம் செலுத்தி வருகிறார். இதனால் நிர்வாகம் ஸ்தம்பித்துள்ளது.

விமான நிலைய விரிவாக்கம், ரெயில் திட்டங்கள், சாலை திட்டங்கள் குறித்து புதுச்சேரி கவர்னர் கைலாஷ்நாதன் கடந்த வாரம் நடந்த அரசு விழாவில் சொல்லியுள்ளார். இதெல்லாம் அரசின் கொள்கை முடிவுகள். தேர்ந்தெடுக்கப்பட்ட அரசின் முதல் அமைச்சர்தான் இதைச் சொல்ல வேண்டும்.

புதுச்சேரியில் இது போன்ற நிலைதான் கிரண்பேடி துணைநிலை ஆளுநராக இருந்தபோது நீடித்தது. அதனால்தான் அவருக்கு எதிராக அப்போது முதல்-அமைச்சராக இருந்த நான் உள்ளிட்டோர் போராடினோம்.

உச்சநீதிமன்றம் தலையீடு காரணமாக நீட் மறுதேர்வு தற்போது நடந்துள்ளது. மத்திய அரசின் புதிய கல்விக்கொள்கை காரணமாக நாட்டில் கல்வித்தரம் குறைந்து வருகிறது. தாய்மொழிக்கு முக்கியத்துவம் கொடுக்காமல் இந்தி திணிப்பை அமல்படுத்துகின்றனர்.

முதல்-அமைச்சர் ரங்கசாமிக்கு ஆதரவாகக் குரல் கொடுப்பது ஏன் என்ற கேள்விக்கு, நான் ஆதரவாகக் குரல் கொடுக்கவில்லை. உண்மையைச் சொல்கிறேன். அவருடைய ஆட்சியில் ஊழல் மலிந்துள்ளது என்று தான் சொல்லியுள்ளேன்.

இவ்வாறு நாராயணசாமி கூறினார்.