அகமதாபாத்தில் யோகாசனம் செய்தார் மத்திய உள்துறை அமைச்சர் அமித் ஷா!

இந்த ஆண்டு குஜராத் மாநிலம் முழுவதும் உள்ள பள்ளிகள், கல்லூரிகள், பூங்காக்கள் என சுமார் 24,000 இடங்களில் பிரம்மாண்ட யோகா நிகழ்ச்சிகள் ஒருங்கிணைக்கப்பட்டுள்ளன. இந்த விழிப்புணர்வுப் பேரணியில் ஒட்டுமொத்தமாக 1.25 கோடிக்கும் அதிகமான பொதுமக்கள் கலந்துகொண்டு யோகாசனம் செய்துள்ளனர் என்று குஜராத் துணை முதல்வர் ஹர்ஷ் சங்கவி தெரிவித்துள்ளார்.

குஜராத் முதல்வர் பூபேந்திர படேல் காந்திநகரின் மான்சா பகுதியில் நடைபெற்ற மாநில அளவிலான யோகா விழாவில் பங்கேற்றார்.

உடல் ஆரோக்கியத்திற்கும், மன அமைதிக்கும் யோகாசனம் எவ்வளவு முக்கியமானது என்பதை எடுத்துரைக்கும் வகையில், நாடு முழுவதும் உள்ள பல்வேறு முக்கியத் தலைவர்கள் மற்றும் அமைச்சர்கள் இத்திருநாளில் முன்னின்று யோகாசனங்களை மேற்கொண்டு வருகின்றனர்.