எபோலா தொற்று எதிரொலி: வெளிநாட்டு பயணிகளை கண்காணிக்க ‘ஏர் சுவிதா 2.0’ திட்டம் அறிமுகம்

எபோலா நோய்த் தொற்று:

கிழக்கு ஆப்பிரிக்காவில் அமைந்துள்ள உகாண்டாவில் கடந்த மே மாதம் எபோலா நோய்த் தொற்று பரவ ஆரம்பித்து, சுமார் ஆயிரத்திற்கும் மேற்பட்டோர் பாதிக்கப்பட்டனர்.

இதையடுத்து கடந்த மே 17 அன்று உலக சுகாதார அமைப்பு எபோலா நோய்த்தொற்று பரவலை பொது சுகாதார அவசர நிலையாக அறிவித்தது.

இந்தியாவில் ‘ஏர் சுவிதா 2.0’ திட்டம் அறிமுகம்:

இந்நிலையில் சிவில் விமான போக்குவரத்து அமைச்சகம், டெல்லி சர்வதேச விமான நிலையத்துடன் இணைந்து ‘ஏர் சுவிதா 2.0’ திட்டத்தை அறிமுகப்படுத்தியுள்ளது.

இந்த மேம்படுத்தப்பட்ட இணையதளம், சுகாதாரம் மற்றும் குடும்ப நல அமைச்சகத்தின் சுகாதார சேவைகள் பொது இயக்குநரகத்துடன் இணைந்து உருவாக்கப்பட்டுள்ளது.

அனைத்து சர்வதேச பயண வழித்தடத்திலும் பொது சுகாதார கண்காணிப்பை வலுப்படுத்தும் வகையில் டிஜிட்டல் முறையில் அறிமுகப்படுத்தப்பட்டுள்ளது.