'அரசியலமைப்பு படுகொலை தினம்': பிரதமர் மோடி மற்றும் தலைவர்கள் அஞ்சலி!

நீதிமன்றங்களின் அதிகாரங்கள் கட்டுப்படுத்தப்பட்டு, ஒட்டுமொத்த தேசமும் ஒரு சர்வாதிகாரப் பிடிக்குள் தள்ளப்பட்டது. இந்த அடக்குமுறைகளுக்கு எதிராகப் போராடி தியாகம் செய்த பலரின் தியாகத்தால் மீண்டும் ஜனநாயகம் மீட்டெடுக்கப்பட்டது.

இதுதொடர்பாக பிரதமர் நரேந்திர மோடி தனது எக்ஸ் சமூக வலைத்தளப் பக்கத்தில் வெளியிட்டுள்ள செய்தியில்:"அரசியலமைப்பு படுகொலை தினம், இந்திய ஜனநாயகம் கொடூரமாக நசுக்கப்பட்ட அந்த இருண்ட காலத்தை இன்று நமக்கு நினைவூட்டுகிறது.

ஜனநாயகம், அரசியலமைப்பு மற்றும் குடிமக்களின் உரிமைகளைப் பாதுகாப்பதில் நாம் எப்போதும் அர்ப்பணிப்புடன் இருக்க வேண்டும் என்ற எண்ணத்தை இது நமக்கு ஊட்டுகிறது. அவசரநிலையை துணிச்சலுடன் எதிர்த்த அனைத்து சான்றோர்களுக்கும் எனது மரியாதைக்குரிய வணக்கங்கள்."

மேலும், சுதந்திரத்தின் முக்கியத்துவத்தை வலியுறுத்தும் வகையில், "சுதந்திரத்தின் மூலமே ஒரு மனிதன் மகிழ்ச்சியையும், மிக உயர்ந்த உன்னத நிலையையும் அடைகிறான். சுதந்திரமே ஒருவருக்கு முழுமையையும் உச்சகட்ட உன்னதத்தையும் வழங்குகிறது" என்றும் பிரதமர் சுட்டிக்காட்டியுள்ளார்.

மேலும், மத்திய உள்துறை அமைச்சர் அமித் ஷா மற்றும் பாதுகாப்புத்துறை அமைச்சர் ராஜ்நாத் சிங் உள்ளிட்ட மூத்த தலைவர்கள், காங்கிரஸ் கட்சியின் அதிகாரப் பசியால் அன்று அரசியலமைப்பின் ஆன்மா சிதைக்கப்பட்டது என்று கடுமையாக விமர்சித்துள்ளனர்.

வருங்கால சந்ததியினர் இந்த வரலாற்றுப் பிழையை மறந்துவிடக் கூடாது என்பதற்காகவும், மீண்டும் இது போன்றதொரு ஜனநாக விரோதச் செயல் நாட்டில் அரங்கேறாமல் இருப்பதை உறுதி செய்யவுமே இந்த நாள் அனுசரிக்கப்படுவதாக அவர்கள் தெரிவித்துள்ளனர்.