த.மா.கா. தனித்தன்மையுடன் செயல்படுகிறது; தேர்தல் நேரத்தில் கூட்டணி- ஜி.கே.வாசன்

ஆட்சி தொடர வேண்டும் என்றால் எம்.எல்.ஏ.க்களுக்கு இடையே ஒருமித்த கருத்து அவசியம். அ.தி.மு.க.வுக்கு ஆதரவு கொடுக்கிற வேறு கட்சி 3 எம்.எல்.ஏ.க்கள் கூட தங்களது நிலையை ஆட்சியாளர்கள் பக்கம் இன்னும் உறுதியாக தெளிவுப்படுத்தவில்லை.

கவர்னர் நடவடிக்கையை தமிழக மக்கள் கூர்ந்து கவனித்து வருகிறார்கள். அவரது நடவடிக்கை ஜனநாயகத்தை நிலைநாட்டும் வகையில் நடுநிலை அறிவிப்பாக இருக்கும் என எதிர்பார்க்கிறேன்.

மறுதேர்தல் போன்ற சூழல் ஏற்பட்டால் தமிழ் மாநில காங்கிரஸ் தேர்தலை சந்திக்க தயார் நிலையிலேயே உள்ளது. த.மா.க. தமிழக அரசியலில் ஆளும் கட்சியுடனும் இல்லை, எதிர்கட்சியுடனும் இல்லை. தனித்தன்மையுடன் செயல்படுகிறோம். தேர்தல் நெருங்கும்போது மக்கள் விருப்பத்திற்கு ஏற்ப ஒத்த கட்சிகளுடன் கூட்டணி சேர கூடிய நிலை ஏற்படலாம்.

இவ்வாறு அவர் கூறினார்.