சச்சின், லாரா சாதனையை முறியடித்து புதிய வரலாறு படைப்பாரா விராட் கோலி?

இதற்கு முன்னதாக சர்வதேச கிரிக்கெட்டில் டெஸ்ட், ஒருநாள் மற்றும் டி20 போட்டிகளை சேர்த்து மிக விரைவாக 20 ஆயிரம் ரன்களை கடந்த வீரர்கள் பட்டியலில் இந்திய அணியின் சச்சின் தெண்டுல்கர் மற்றும் வெஸ்ட் இண்டீஸ் அணியின் பிரைன் லாரா ஆகியோர்  முதலிடத்தை பகிர்ந்துள்ளனர். இருவரும் சரியாக 453 சர்வதேச போட்டிகளில் விளையாடி இந்த சாதனையினை படைத்திருந்தனர்.

இந்நிலையில் இந்திய அணியின் விராட் கோலி தற்போதுவரை 415 (131 டெஸ்ட், 222 ஒருநாள், 62 டி20) சர்வதேச போட்டிகளில் விளையாடி அதன் மூலம் மொத்தமாக 19,896 (6613 டெஸ்ட், 11020 ஒருநாள், 2263 டி20) ரன்கள் அடித்துள்ளார். இந்நிலையில் நாளை நடைபெற உள்ள ஆப்கானிஸ்தானுக்கு ஏதிரான ஆட்டத்தின்போது இன்னும் 104 ரன்கள் அடித்தால் விராட் கோலி அதிவிரைவாக 20 ஆயிரம் ரன்களை கடந்த வீரர் என்ற சாதனையை படைப்பார்.

மேலும், சர்வதேச போட்டிகளில் சச்சின் தெண்டுல்கர் (34,357 ரன்கள்) மற்றும் ராகுல் டிராவிட் (24,208 ரன்கள்)-ஐ அடுத்து 20 ஆயிரம் ரன்களை கடந்த மூன்றாவது இந்திய கிரிக்கெட் வீரர் என்ற பெருமையை விராட் கோலி அடைவார். ஆகையால் நாளை நடைபெற உள்ள ஆப்கானிஸ்தானுக்கு ஏதிரான ஆட்டம் ரசிகர்களிடையே பெரும் ஏதிர்பார்ப்பை ஏற்படுத்தியுள்ளது.