சென்னை:
ஜனாதிபதி தேர்தலில் பா.ஜ.க. அறிவித்துள்ள வேட்பாளருக்கு அதிமுக அம்மா அணி எம்.எல்.ஏ.க்கள் மற்றும் எம்.பி.க்கள் ஒருமனதாக ஆதரவு அளிக்கப் போவதாக முதலமைச்சர் எடப்பாடி பழனிச்சமி நேற்று முன் தினம் அறிவித்தார்.
இதனையடுத்து, ஜனாதிபதி தேர்தலில் பா.ஜ.க. வேட்பாளர் ராம்நாத் கோவிந்துக்கு ஆதரவு அளிக்கப்போவதாக அதிமுக புரட்சி தலைவி அம்மா அணியின் பன்னீர் செல்வம் நேற்று அறிவித்தார்.
இந்நிலையில், ஜனாதிபதி தேர்தலில் பா.ஜ.க. கூட்டணி வேட்பாளர் ராம்நாத் கோவிந்துக்கு அதிமுக துணைப் பொதுச் செயலாளர் டிடிவி.தினகரன் ஆதரவு தெரிவித்துள்ளார்.
இது தொடர்பாக தினகரன் வெளியிட்டுள்ள அறிக்கையில், சசிகலாவில் உத்தரவின்படியே இந்த முடிவு எடுக்கப்பட்டுள்ளதாக குறிப்பிட்டுள்ளார்.
முன்னதாக, டிடிவி.தினகரன் ஆதரவு எம்.எல்.ஏ.க்கள் இன்றும் சென்னை அடையாரில் உள்ள அவரது இல்லத்தில் ஆலோசனை நடத்தினர்.
அதிமுகவை பொறுத்த வரை தினகரனுக்கு 34 எம்.எல்.ஏ.க்களும், சில எம்.பி.களும் உள்ளதாக ஊடகங்களில் செய்திகள் வெளியாகி வருவது குறிப்பிடத்தக்கது.
