கீழ்வேளூர்:
மனிதநேய ஜனநாயக கட்சி தலைவர் தமிமூன் அன்சாரி எம்.எல்.ஏ. நாகையில் நிருபர்களுக்கு இன்று பேட்டி அளித்தார். அப்போது அவர் கூறியதாவது:-
நடிகர் ரஜினிகாந்த் அரசியலுக்கு வருவதை வரவேற்கிறோம். அரசியலுக்கு யார் வேண்டுமானாலும் வரலாம். ரஜினி ஆன்மீக அரசியல் என்று கூறியதை முழுமையாக விளக்க வேண்டும். பா.ஜனதா, சிவசேனாவை போல் இருக்கக் கூடாது.
சிறையில் 10 ஆண்டுகளுக்கு மேல் இருக்கும் கைதிகளை விடுதலை செய்ய தமிழக அரசின் முடிவு செய்து அறிவித்துள்ளது வரவேற்கத்தக்கது. இதில் மதம், ஜாதி பார்க்காமல் அனைத்து கைதிகளையும் விடுதலை செய்ய வேண்டும்.
இவ்வாறு அவர் கூறினார்.