‘டெட்’ தோ்வில் தேர்ச்சி பெற்றதற்கான சான்றிதழ், 7 ஆண்டுகள் செல்லுபடி ஆகும். இதுதொடர்பான வழிகாட்டு நெறிமுறைகளை கடந்த 2011-ம் ஆண்டு பிப்ரவரி 11-ந் தேதி தேசிய ஆசிரியர் கல்வி கவுன்சில் வெளியிட்டது.
எனவே, 7 ஆண்டுகளுக்குள் அரசு சம்பளத்தில் ஆசிரியர் பணி கிடைக்காவிட்டால், மீண்டும் தகுதி தேர்வு எழுதி தேர்ச்சி பெற வேண்டிய நிலை இருந்தது. இது, ஆசிரியர் பணியை எதிர்நோக்கி இருப்பவர்களுக்கு கூடுதல் சுமையாக கருதப்பட்டது.
ஆசிரியர் தகுதி தேர்வு தேர்ச்சி சான்றிதழின் செல்லுபடி ஆகும் காலத்தை 7 ஆண்டுகளில் இருந்து ஆயுள் முழுவதும் நீட்டிக்க மத்திய அரசு முடிவு செய்துள்ளது. கடந்த 2011-ம் ஆண்டில் இருந்து ‘டெட்’ தேர்வு தேர்ச்சி பெற்றவர்களுக்கு பொருந்தும்வகையில், முன்தேதியிட்டு அமல்படுத்தப்படுகிறது..
ஆசிரியர் பணியை விரும்புபவர்களுக்கு வேலைவாய்ப்பை பெருக்க உதவும் நடவடிக்கையாக இது அமையும்.
