லெக்சஸ் இந்தியா நிறுவனம் NX 300h எஸ்.யு.வி. மாடலை இந்தியாவில் அறிமுகம் செய்துள்ளது. இந்தியாவில் லெக்சஸ் NX 300h விலை ரூ.53.18 லட்சம் (எக்ஸ்-ஷோரூம்) முதல் துவங்குகிறது.
புதிய லெக்சஸ் NX 300h முற்றிலும் அழகிய தோற்றம் கொண்டுள்ளது. முன்னதாக நவம்பர் 17-இல் நடைபெற்ற விழாவில் அறிமுகம் செய்யப்பட்ட லெக்சஸ் NX 300h டாப் என்ட் மாடல்: F-ஸ்போர்ட் விலை ரூ.55.58 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
லெக்சஸ் NX 300h மாடலில் 2.5 லிட்டர் நான்கு சிலிண்டர் இன்ஜின் மற்றும் எலெக்ட்ரிக் மோட்டார் கொண்டுள்ளது. இதன் ஒருங்கிணைந்த செயல்திறன் 194 பி.எச்.பி. பவர் மற்றும் 210 என்.எம். டார்கியூ கொண்டுள்ளது. இந்த இன்ஜின் E-CVT கியர்பாக்ஸ் கொண்டிருக்கிறது. இந்த மாடல் மணிக்கு 0-100 கிலோமீட்டர் வேகத்தை வெறும் 9.2 நொடிகளில் செல்லும் என தெரிவிக்கப்பட்டுள்ளது.
முன்பக்கம் ஸ்பின்டிள் கிரில், ப்ரோஜெக்டர் ஹெட்லேம்ப், பகலில் எரியும் எல்இடி மின்விளக்கு, ஃபாக் லேம்ப், L-வடிவிலான பம்ப்பர் வழங்கப்பட்டுள்ளது. இதன் பக்கவாட்டுகளில் ஃபிளேர் செய்யப்பட்ட வீல் ஆர்ச், பின்புறம் ராப்-அரவுண்டு டெயில் லைட் மற்றும் ரேக்டு விண்ட்ஸ்கிரீன் வழங்கப்பட்டுள்ளது.
உள்புறம் 360 கோண பானாரோமிங் சரவுண்டு வியூ மாணிட்டர், கலர் ஹெட்ஸ்-அப் டிஸ்ப்ளே, 10.3 இன்ச் ஸ்ப்லிட் ஸ்கிரீன் மல்டிமீடியா டிஸ்ப்ளே, முதல் தர ஃபோல்டிங் மற்றும் பவர் ரீசைக்லிங் பின்புற சீட் மற்றும் 14 இன்ச் ஸ்பீக்கர், ஹைஃபை மார்க் லெவின்சன் மற்றும் கிளாரிஃபை தொழில்நுட்பம் வழங்கப்பட்டுள்ளது.