இந்திய அணியின் கேப்டனும் நட்சத்திர பேட்ஸ்மேனுமான விராட் கோலி மூன்று வகை கிரிக்கெட்டின் பேட்ஸ்மேன் தரவரிசையில் முதல் 10 இடத்திற்குள் இருந்தார். சமீப காலமாக அவருக்கு டி20 தொடரில் ஓய்வு அளிக்கப்பட்டு வருகிறது.
இதனால் ஐசிசி டி20 பேட்ஸ்மேன் தரவரிசையில் முதல் இடத்திற்குள் இருந்து வெளியேறினார். இந்நிலையில்தான் தற்போது முடிந்து வெஸ்ட் இண்டீஸ் அணிகளுக்கு எதிரான டி20 தொடரில் அபாரமான ஆட்டத்தை வெளிப்படுத்தினார்.
முதல் போட்டியிலும், 3-வது போட்டியிலும் அரைசதம் அடித்த விராட் கோலி இரண்டிலும் ஆட்டமிழக்காமல் இருந்தார். மூன்று போட்டிகளிலும் 183 ரன்கள் குவித்தார். சராசரி 183 ஆகும். இதனால் ஐசிசி டி20 பேட்ஸ்மேன் தரவரிசையில் 15-வது இடத்தில் இருந்து 10-வது இடத்திற்கு முன்னேறியுள்ளார்.
இரண்டு அரைசதம் அடித்த மற்றொரு இந்திய வீரரான லோகேஷ் ராகுல் மூன்று இடங்கள் முன்னேறி 6-வது இடத்தை பிடித்துள்ளார். ரோகித் சர்மா ஒரு இடங்கள் சறுக்கி 9-வது இடத்தில் உள்ளார்.
