பெர்த்:
5 போட்டிகள் கொண்ட ஆஷஸ் டெஸ்ட் கிரிக்கெட் தொடரில் விளையாடுவதற்காக இங்கிலாந்து அணி ஆஸ்திரேலியாவுக்கு சென்றுள்ளது. முதலாவது டெஸ்ட் போட்டி வருகிற 23-ந்தேதி பிரிஸ்பேனில் தொடங்குகிறது. இதற்கான இங்கிலாந்து அணியில் இடம் பெற்றிருந்த வேகப்பந்து வீச்சாளர் ஸ்டீவன் பின், இடது கால் முட்டியில் காயத்தால் அவதிப்பட்டார். சில தினங்களாக வலிக்கு ஊசி போட்டுக்கொண்டு
தொடர்ந்து பயிற்சி மேற்கொண்டார். ஆனாலும் உடல்தகுதி விஷயத்தில் எதிர்பார்த்த முன்னேற்றம் இல்லாததால் ஆஷஸ் தொடரில் இருந்து நேற்று விலகினார். அவர் உடனடியாக தாயகம் திரும்புகிறார். அவருக்கு பதிலாக 22 வயதான வேகப்பந்து வீச்சாளர் டாம் குரன் சேர்க்கப்பட்டுள்ளார்.
