சீனாவுடன் மீண்டும் வர்த்தக பேச்சுவார்த்தையா? டிரம்ப் பதில்

உலகின் இரு பெரும் பொருளாதார நாடுகளான அமெரிக்காவுக்கும், சீனாவுக்கும் இடையே 2 ஆண்டுகளுக்கும் மேலாக வர்த்தக போர் நீடித்தது. இது தொடர்பாக நடந்த பல்வேறு கட்ட பேச்சுவார்த்தைக்கு பிறகு கடந்த ஜனவரி மாதம் இருநாடுகளுக்கும் இடையே வர்த்தக ஒப்பந்தம் கையெழுத்தானது.

இதனிடையே கொரோனா வைரஸ் தொடர்பான பிரச்சினையில் சீனாவுக்கும், அமெரிக்காவும் இடையே மோதல் போக்கு நீடிக்கிறது. இது இருநாடுகளுக்கு இடையிலான வர்த்தகத்திலும் எதிரொலித்து வருகிறது.

இந்த நிலையில் சீனாவுக்கு அதிக நன்மைகளை வழங்கும் வகையில் புதிய ஒப்பந்தம் ஒன்றை ஏற்படுத்த அமெரிக்காவுடன் மீண்டும் வர்த்தக பேச்சுவார்த்தையை தொடங்க சீனா விரும்புவதாக அந்த நாட்டு ஊடகத்தில் செய்தி வெளியானது.