தூத்துக்குடி:
தூத்துக்குடி தெற்கு மாவட்டத்தில் பாரதீய ஜனதா கட்சியின் ஸ்தாபன தினம் கொண்டாடப்பட்டது. தெற்கு,மேற்கு மற்றும் வடக்கு மண்டலங்களில் ஸ்தாபன தினநிகழ்ச்சியை முன்னிட்டு கட்சி கொடியேற்று நிகழ்ச்சி நடைபெற்றது.
தூத்துக்குடி மாவட்ட பொதுச் செயலாளர் உமரி சத்தியசீலன் தலைமை தாஙகினார். சிறப்பு அழைப்பாளராக பா.ஜ.க. மாநிலத் துணைத் தலைவர் முன்னாள் எம்.பி. சசிகலா புஸ்பா கலந்து கொண்டு கொடியேற்றி பொதுமக்களுக்கு இனிப்புகள் வழங்கினார்.
நிகழ்ச்சியில் மாவட்ட துணை தலைவர் தங்கம், வழக்கறிஞர் அணி மாவட்ட துணை தலைவர் சின்னத்தம்பி, தொழில் பிரிவு மாவட்ட செயலாளர் சங்கர், பிரச்சார பிரிவு மாவட்ட செயலாளர் செல்வகணி, வடக்கு மண்டல தலைவர் சிவராம், மாவட்ட துணை தலைவர் கனி மற்றும் பொறுப்பாளர்கள் கலந்து கொண்டனர். மாநகர தெற்கு மண்டல் பா.ஜ.க. சார்பாக முத்தையாபுரம் தோப்பு மாணிக்க விநாயகர் தெரு, பேரின்பநகர் ஆகிய 2 இடங்களில் பாரதீய ஜனதா கட்சி ஸ்தாபன தினத்தை முன்னிட்டு பா.ஜ.க. கொடி ஏற்றி இனிப்பு வழங்கி கொண்டாடப்பட்டது.
இதில் மாவட்ட பொதுச்செ யலாளர் உமரி சத்தியசீலன் கலந்து கொண்டு கட்சி கொடியேற்றி சிறப்புரையாற்றி இனிப்பு பொது மக்களுக்கு இனிப்புகள் வழங்கினார். தெற்கு மண்டல் தலைவர் மாதவன் தலைமை தாங்கினார். கல்வியாளர் பிரிவு மாவட்ட தலைவர் சின்னதங்கம், வர்த்தகபிரிவு மாவட்ட தலைவர் பரமசிவம், விவசாயி அணி மாவட்ட செயற்குழு உறுப்பினர் கணேசபெருமாள் ஆகியோர் முன்னிலை வகித்தனர்.
நிகழ்ச்சியில் பொறுப்பாளர் முத்துகிருஷ்ணன், மாநில செயற்குழு உறுப்பினர் மாசாணம் வரவேற்றனர். நிகழ்ச்சியில் மாவட்ட செயற்குழு உறுப்பினர் ஜெயராம், மகளிர் அணி மண்டல தலைவி செல்வி, பொருளாதாரப் பிரிவு மண்டல தலைவர் முருகேசன், தொழில் பிரிவு மண்டல தலைவர் சங்கர், கணேஷ், தெற்கு மண்டல் செயலாளர் செல்வம் மற்றும் மகளிர் அணி லட்சுமி சிலம்பொழி, கிளை தலைவர்கள் சண்முகநாதன், உலகநாதன் மற்றும் பொறுப்பாளர்கள் கலந்து கொண்டனர்.
