ஆரோக்கியமான காலை உணவு வெஜிடபிள் இட்லி உப்புமா

வேகவைத்த இட்லி - 7,
பச்சை மிளகாய் - 2,
நல்லெண்ணெய் - சிறிதளவு,
இஞ்சி - சிறிது துண்டு,
சீரகத்தூள், கறிவேப்பிலை, கொத்தமல்லி  - சிறிதளவு,

கேரட், பீன்ஸ், பச்சைப் பட்டாணி ஆகியவை சேர்த்து - 50 கிராம்.

கேரட், பீன்ஸை பொடியாக நறுக்கி, பச்சைப் பட்டாணியுடன் சிறிது உப்பு சேர்த்து வேகவைத்து எடுத்துக்கொள்ளவும்.

இட்லியை நன்றாக உதிர்த்து வைத்து கொள்ளவும்.

ப.மிளகாய், கொத்தமல்லியை பொடியாக நறுக்கி கொள்ளவும்.

கடாயில் சிறிதளவு எண்ணெய் ஊற்றி சூடானதும் இஞ்சித்துண்டுகள், சீரகத்தூள், ப.மிளகாய் போட்டு தாளித்த பின்னர் வேகவைத்த கேரட், பீன்ஸ், பச்சைப் பட்டாணி, கறிவேப்பிலை சேர்த்து, நன்றாக வதக்கவும்.

கடைசியாக உதிர்த்த இட்லியை சேர்த்துக் கிளறவும்.

இட்லி உப்புமா போல உதிர்ந்து வரும் போது அதன் மேல் கொத்தமல்லி இலைகளைத் தூவி இறக்கவும்.

வெஜிடபிள் இட்லி உப்புமா ரெடி.

சாம்பார், சட்னியுடன் பரிமாறவும்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.