நீர்ச்சத்து நிறைந்த சுரைக்காய் அடை

இட்லி அரிசி - 1 டம்ளர்
சுரைக்காய் - 150 கிராம்
வரமிளகாய் - 4
உப்பு - சுவைக்கேற்ப
வெங்காயம் - 1

கொத்தமல்லி தழை, கறிவேப்பிலை - 1 கப்

கொத்தமல்லி, கறிவேப்பிலை, வெங்காயத்தை பொடியாக நறுக்கி கொள்ளவும்.

சுரைக்காயை தோல் நீக்கி துருவிக்கொள்ளவும்.

அரிசியை நன்கு ஊற வைத்து கழுவி மிக்ஸியில் போட்டு, அத்துடன் மிளகாய், உப்பு சேர்த்து அரைத்துக் கொள்ளவும்.

அரைத்த மாவில் துருவிய சுரைக்காய், பொடியாக நறுக்கிய கொத்தமல்லி தழை, கறிவேப்பிலை, வெங்காயம் சேர்த்து, தோசை மாவு பதத்தில் கலந்து கொள்ளவும்.

தோசை கல்லை அடுப்பில் வைத்து சூடானதும் மாவை அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

சுவையான, சத்தான சுரைக்காய் அடை ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.