இட்லிக்கு சத்தான கேரட் வேர்க்கடலை சட்னி

தேவையான பொருட்கள் :

வேர்க்கடலை - 1/4 கப்

கேரட் துருவல் - ஒரு கப்

காய்ந்த மிளகாய் - 6

கடலைப்பருப்பு - 1 ஸ்பூன்

உளுத்தம்பருப்பு - 1 ஸ்பூன்

பெருங்காயத்தூள் - 1/4 ஸ்பூன்

எண்ணெய் - 1 ஸ்பூன்

கடுகு - சிறிதளவு

கறிவேப்பிலை - சிறிதளவு

உப்பு - தேவையான அளவு.

செய்முறை:

வேர்க்கடலையை நன்கு வறுத்துக் கொள்ளுங்கள்.

கடாயில் எண்ணெய் விட்டு கடலைப்பருப்பு, உளுத்தம்பருப்பு, காய்ந்த மிளகாய் ஆகியவற்றை போட்டு சிவக்க வறுத்துக் கொள்ளவும்.

இந்த எண்ணெயில் கேரட்டை போட்டு நன்கு வதக்கி வைத்துக் கொள்ளவும்.

மிக்சியில் கடலைப்பருப்பு, உளுத்தம்பருப்பு, மிளகாய், வேர்க்கடலையை சேர்த்து அரைக்கவும்.

இந்த கலவையுடன் பெருங்காயத்தூள், வதக்கிய கேரட், உப்பு சேர்த்து கெட்டியான துவையலாக அரைத்தெடுக்கவும்.

கடாயில் எண்ணெய் ஊற்றி கடுகு, கறிவேப்பிலை போட்டு தாளித்து சட்னி சேர்த்து கலந்து எடுத்து உங்களுக்கு பிடித்த காலை உணவுடன் வைத்து பரிமாறுங்க.

லைஃப்ஸ்டைல் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health