விஜய் நடிப்பில் கடந்த ஆண்டு வெளியான படம் ‘சர்கார்’. சன் பிக்சர்ஸ் தயாரிப்பில் ஏ.ஆர்.முருகதாஸ் இயக்கத்தில் வெளியான இப்படத்தில் விஜய்யுடன் கீர்த்தி சுரேஷ், வரலட்சுமி சரத்குமார், யோகி பாபு, பழ.கருப்பையா, ராதாரவி உள்ளிட்ட பலர் நடித்திருந்தார்கள்.
துப்பாக்கி, கத்தி படத்தை தொடர்ந்து விஜய் - ஏ.ஆர்.முருகதாஸ் கூட்டணியில் சர்கார் திரைப்படம் உருவானது. ஒருவர் ஓட்டை மற்றொருவர் கள்ள ஓட்டாக போட்டால், 49 பி என்ற தேர்தல் விதிப்படி வாக்களிக்க அனுமதி வழங்க வேண்டும் என்பதை சொல்லியிருந்தார்கள்.
இப்படம் கடந்த ஆண்டு நவம்பர் மாதம் 6ம் தேதி வெளியானது. தற்போது ஒரு வருடம் கடந்ததையொட்டி, விஜய் ரசிகர்கள் #1YearOfBBSarkar என்ற ஹேஷ்டேக்கை டிரெண்டாக்கி கொண்டாடி வருகிறார்கள்.