தமிழகத்தில் அடுத்தாண்டு தேர்தல் நடைபெற இருக்கிறது. ஒரு கட்சியிலிருந்து மற்றொரு கட்சிக்கு பலரும் மாறி வருகிறார்கள். அந்தவகையில் நடிகை குஷ்பு, சுகன்யா, கருணாஸ், விஷால் உள்ளிட்டோர் பா.ஜ.க.,வில் இணைய போவதாக செய்தி பரவியது. இதை சிலர் மறுத்தனர். குஷ்பு மட்டும் காங்கிரசிலிருந்து விலகி நேற்று பா.ஜ.க.வில் இணைந்தார்.
இந்நிலையில் தமிழ் சினிமாவில் முன்னணி நடிகராக இருக்கும் விஜய்யின் தந்தையும், இயக்குனருமான எஸ்.ஏ.சந்திரசேகர், பாஜக.வில் இணையபோவதாக சமூகவலைதளங்களில் செய்திகள் பரவியது.
இதையறிந்த எஸ்.ஏ.சந்திரசேகர், ''நான் பா.ஜ.க.வில் இணைய இருப்பதாக வெளியான செய்தி தவறானது. எங்கிருந்து இது போன்று செய்திகளை பரப்புகிறார்கள் என்று தெரியவில்லை'' என்றார்.
