தலைப்பு வெளியானதைத் தொடர்ந்து இப்படத்தின் பர்ஸ்ட் லுக் போஸ்டரை இன்று மாலை 6 மணிக்கு வெளியிடப்போவதாக இப்படத்தின் தயாரிப்பாளர் தனுஷ் அறிவித்திருந்தார். அதன்படி, ‘காலா’ படத்தின் 2 பர்ஸ்ட் லுக் போஸ்டர்கள் வெளியானது. இரண்டு போஸ்டர்களிலும் ‘கபாலி’ படத்தைப் போன்று நரைத்த தாடியுடன் இப்படத்திலும் வருகிறார்.
ஒரு போஸ்டரில் முகத்தில் ரத்தக்கறையுடனும், காயங்களுடனும் ரஜினி கோபத்துடன் இருப்பதுபோல் இருக்கிறது. மற்றொரு போஸ்டரில் மும்பை தாராவி பின்னணியாக வைத்து, நடுவில் சாதாரண லுங்கியுடன், கூலிங் கிளாஸ் அணிந்துகொண்டு ஜீப்பின் மீது ரஜினி அமர்ந்துகொண்டு இருப்பதுபோல் வெளியிட்டுள்ளனர். இந்த இரண்டு பர்ஸ்ட் லுக் போஸ்டர்களும் தற்போது இணையதளங்களில் வைரலாக பரவி வருகின்றன.
இப்படத்திற்கு சந்தோஷ் நாராயணன் இசையமைக்கிறார். பாலிவுட் நடிகை ஹூமா குரேஷி கதாநாயகியாக நடிப்பதாக கூறப்படுகிறது. மேலும் மற்றொரு நடிகையான பாலிவுட் நடிகை அஞ்சலி பாட்டீலும் முக்கிய கதாபாத்திரத்தில் நடிக்கவுள்ளதாக அதிகாரப்பூர்வ செய்தி வெளியாகியுள்ளது.
