தொழில்நுட்பம்

சீன வலைதளத்தில் லீக் ஆன ரெனோ ஸ்மார்ட்போன்

ஒப்போ ரெனோ ஸ்மார்ட்போனின் விவரங்கள் தொடர்ந்து வெளியாகி வரும் நிலையில், இம்முறை சீனாவின் அன்டுடு வலைதளத்தில் லீக் ஆகியுள்ளது. #OppoReno

மாலை மலர்

Published:31st Mar, 2019 at 2:35 PM

சீன ஸ்மார்ட்போனின் நிறுவனமான ஒப்போ விரைவில் ரெனோ எனும் ஸ்மார்ட்போனினை அறிமுகம் செய்ய இருக்கிறது. ஏப்ரல் 10 ஆம் தேதி அதிகாரப்பூர்வமாக அறிமுகம் செய்யப்பட இருக்கும் ஒப்போ ரெனோ விவரங்கள் சீன பென்ச்மார்க்கிங் வலைதளமான அன்டுடுவின் லீக் ஆகியுள்ளது.

அதன் படி ஒப்போ ரெனோ ஸ்மார்ட்போனில் குவால்காம் ஸ்னாப்டிராகன் 710 பிராசஸர், 6 ஜி.பி. ரேம் வழங்கப்படுகிறது. இத்துடன் ஃபுல் ஹெச்.டி. பிளஸ் டிஸ்ப்ளே பேனல் வழங்கப்படுகிறது. முன்னதாக ஸ்மார்ட்போன் கேஸ் புகைப்படங்கள் வெளியாகியிருந்தது. இதில் புதிய ரெனோ ஸ்மார்ட்போனில் நாட்ச்லெஸ் டிஸ்ப்ளே மற்றும் மூன்று பிரைமரி கேமரா செட்டப் வழங்கப்படும் என தெரியவந்தது.

அன்டுடு தளத்தில் வெளியாகி இருக்கும் தகவல்களில் ஒப்போ ஸ்மார்ட்போன் PCAM00 என்ற மாடல் நம்பர் கொண்டிருக்கிறது. முன்னதாக இதே மாடல் நம்பர்கள் சீனாவின் TENAA வலைதளத்திலும் லீக் ஆகியிருந்தது. இதுதவிர அன்டுடு தளத்தில் வெளியாகி இருக்கும் தகவல்களில் புதிய ஒப்போ ஸ்மார்ட்போன் 1,66,935 புள்ளிகளை ஒட்டுமொத்தமாக பெற்றிருக்கிறது.

இத்துடன் இந்த ஸ்மார்ட்போனில் குவால்காம் ஸ்னாப்டிராகன் 710 பிராசஸர் மற்றும் 6 ஜி.பி. ரேம், ஆண்ட்ராய்டு 9.0 பை இயங்குதளம், 256 ஜி.பி. மெமரி வழங்கப்படலாம் என கூறப்படுகிறது. டிஸ்ப்ளேவை பொருத்தவரை ரெனோ ஸ்மார்ட்போனில் ஃபுல் ஹெச்.டி. பிளஸ் 2340x1080 பிக்சல் ஸ்கிரீன் வழங்கப்படுகிறது.

ஒப்போ ரெனோ ஸ்டான்டர்டு எடிஷன் எதிர்பார்க்கப்படும் சிறப்பம்சங்கள்:

- 6.4 இன்ச் 2340x1080 பிக்சல் ஃபுல் ஹெச்.டி. பிளஸ் 19:5:9 AMOLED டிஸ்ப்ளே