உலகக்கோப்பை கால்பந்து: நாளை சவுதி அரேபியாவுடன் மோதும் ஸ்பெயின்

கோல் கீப்பர் முகமது அல் ஒவைஸ், கேப்ட னும், முன்கள வீரருமான சலிம் அல் டாவ்சாரி, சாத் அப்துல் ஹாமித் உள்ளிட்டோர் பலம் சேர்க்கிறார்கள். இவர்களின் சிறந்த செயல்பாட்டை பொறுத்தே அந்த அணியின் வெற்றி வாய்ப்பு அமையும். இவ்விரு அணிகளும் இதுவரை மோதிய 3 ஆட்டங்களி லும் ஸ்பெயினே வெற்றி கண்டுள்ளது.

'இ' பிரிவில் அங்கம் வகிக்கும் 4 முறை சாம்பியனான ஜெர்மனி அணி தனது முதல் ஆட்டத்தில் 7-1 என்ற கோல் கணக்கில் புதுமுக அணியான கியூராசாவை நொறுக்கியது. நிமிச்சா, காய் ஹாவர்ட்ஸ், ஜமால் முசியாலா என நட்சத்திர வீரர்கள் கோலடித்தனர்.

ஜெர்மனி அணி தனது அடுத்த லீக்கில் ஐவரிகோஸ்டை எதிர்கொள்கிறது. இந்த ஆட்டம் இந்திய நேரப்படி நாளை அதிகாலை 1.30 மணிக்கு டொராண்டோ நகரில் அரங்கேறுகிறது. ஐவரி கோஸ்ட் அணி ஏற்கனவே 1-0 என்ற கோல் கணக்கில் ஈகுவடாரை பதம் பார்த்து 3 புள்ளிகளை பெற்றுள்ளது. அதனால் இவ்விரு அணிகளும் 2-வது வெற்றிக்கு குறி வைத்துள்ளன.

சர்வதேச கால்பந்தில் ஜெர்மனி - ஐவரிகோஸ்ட் இதற்கு முன்பு ஒரு முறை சந்தித்துள்ளன. 2009-ம் ஆண்டு நடந்த அந்த நட்புறவு ஆட்டம் 1-1 என்று சமனில் முடிந்தது குறிப்பிடத்தக்கது.