வியன்னா ஓபன் டென்னிஸ்: 2வது சுற்றுக்கு முன்னேறிய மெத்வதேவ்

வியன்னா ஓபன் டென்னிஸ் தொடர் ஆஸ்திரியாவில் நடைபெறுகிறது.

ஆண்களுக்கான ஒற்றையர் பிரிவின் முதல் சுற்றில் ரஷியாவின் டேனில் மெத்வதேவ், ஸ்பெயினின் டேனியல் மெரிடா உடன் மோதினார்.

இதில் அதிரடியாக ஆடிய மெத்வதேவ் 7-6 (7-5), 6-1 என்ற செட் கணக்கில் வென்று இரண்டாவது சுற்றுக்கு முன்னேறினார்.

மற்றொரு போட்டியில் இத்தாலியின் பிளேவியோ கோபாலி 6-4, 3-6, 6-3 என்ற செட் கணக்கில் பல்கேரியாவின் கிரிகோர் டிமித்ரோவை வீழ்த்தி அடுத்த சுற்றுக்கு முன்னேறினார்.

நாளை நடைபெறவுள்ள 2வது சுற்றில் ரஷியாவின் மெத்வதேவ், பிரிட்டனின் கேமரூன் நூரி உடன் மோதுகிறார்.