மேட்ரிட் ஓபன் டென்னிஸ் தொடர் ஸ்பெயினில் நடைபெற்று வருகிறது. இதில் முன்னணி வீரர், வீராங்கனைகள் பங்கேற்று விளையாடி வருகின்றனர். முன்னணி வீராங்கனைகள் நேரடியாக 2வது சுற்றுக்கு தகுதி பெற்றுள்ளனர்.
இந்நிலையில், நேற்று நடந்த பெண்கள் ஒற்றையர் பிரிவு 2வது சுற்றில் நம்பர் 3 வீராங்கனையான அமெரிக்காவின் கோகோ காப், பிரான்சின் லியோலியா ஜீன் ஜீன் உடன் மோதினார்.
இதில் சிறப்பாக விளையாடிய கோகோ காப் 6-3, 6-0 என்ற செட் கணக்கில் வென்று 3வது சுற்றுக்கு முன்னேறினார்.
மற்றொரு போட்டியில் கஜகஸ்தானின் எலீனா ரிபாகினா 4-6, 6-3, 7-5 என்ற செட் கணக்கில் ரோமேனியாவின் எலினா கேப்ரில்லா ரூசை வீழ்த்தி அடுத்த சுற்றுக்கு முன்னேறினார்.