முன்னணி வீரர், வீராங்கனைகள் பங்கேற்றுள்ள கனடா ஓபன் சர்வதேச டென்னிஸ் போட்டி அங்குள்ள டொரண்டோ நகரில் நடைபெற்று வருகிறது. மகளிர் ஒற்றையர் பிரிவில் தற்போது 3வது சுற்று ஆட்டம் நடந்து வருகிறது.
நேற்று நடந்த 3வது சுற்று போட்டியில் நம்பர் 4 வீராங்கனையும், அமெரிக்காவைச் சேர்ந்தவருமான கோகோ காப், கிரீஸ் நாட்டின் மரியா சக்காரி உடன் மோதினார்.
இதில் சிறப்பாக ஆடிய கோகோ காப் 6-1, 6-4 என்ற செட் கணக்கில் வென்று 4வது சுற்றுக்கு முன்னேறினார்.
மற்றொரு போட்டியில் ஜப்பானைச் சேர்ந்த நவோமி ஒசாகா, பெல்ஜியத்தின் எலைஸ் மெர்டன் உடன் மோதினார்.
இதில் சிறப்பாக ஆடிய நவோமி ஒசாகா 6-1, 6-2 என்ற செட் கணக்கில் வென்று நான்காவது சுற்றுக்கு முன்னேறினார்.
நாளை நடைபெற உள்ள நான்காவது சுற்றில் கோகோ காப், ரஷியாவின் அலினா கோர்னீவா உடனும், நவோமி ஒசாகா கனடாவின் லேலெ பெர்னாண்டஸ் உடனும் மோதுகின்றனர்.