சர்வதேச டென்னிஸ் சங்கம் வீரர், வீரர்களின் புதிய தரவரிசைப் பட்டியலை வெளியிட்டது. இதில் ஆண்கள் ஒற்றையர் பிரிவில் இத்தாலியின் ஜானிக் சின்னர் முதலிடத்தை தக்கவைத்துள்ளார்.
இந்நிலையில், ஜெர்மனியின் அலெக்சாண்டர் ஸ்வரேவ் மூன்றாவது இடத்தில் இருந்து 2-வது இடத்துக்கு முன்னேறினார்.
இரண்டாவது இடத்தில் இருந்த ஸ்பெயினின் கார்லோஸ் அல்காரஸ் ஒரு இடம் சரிந்து 3-வது இடத்துக்கு தள்ளப்பட்டார்.
நான்காவது இடத்தில் கனடாவின் பெலிக்ஸ் ஆகர் அலியாசிமியும், ஐந்தாவது இடத்தில் செர்பியாவின் நோவக் ஜோகோவிச்சும் இடம்பிடித்தனர்.
இத்தாலியின் பிளேவியோ கோபாலி 4 இடங்கள் முன்னேறி 6-வது இடம் பிடித்துள்ளார்.
ஆஸ்திரேலியாவின் அலெக்ஸ் டி மினார் ஒரு இடம் முன்னேறி ஏழாவது இடமும், ரஷியாவின் டேனில் மெத்வதேவ் ஒரு இடம் பின்தங்கி எட்டாவது இடமும், அமெரிக்காவின் பென் ஷெல்டன் 3 இடம் பின்தங்கி 9வது இடத்திலும், அமெரிக்காவின் டெய்லர் பிரிட்ஸ் ஒரு இடம் சரிந்து 10-வது இடத்திலும் உள்ளனர்.
நேற்று நடந்த சின்சினாட்டி ஓபன் டென்னிஸ் தொடரின் இறுதிப்போட்டியில் சாம்பியன் பட்டம் வென்ற பிரான்சின் ஆர்தர் பில்ஸ் 10 இடங்கள் முன்னேறி 11வது இடம் பிடித்துள்ளார். அமெரிக்காவின் பிரான்சிஸ் தியாபே 11 இடங்கள் முன்னேறி 12-வது இடம் பிடித்தார்.