சீனா ஓபன் காலிறுதிக்கு முந்தைய சுற்றில் சிந்து அதிர்ச்சி தோல்வி - பழிதீர்த்கொண்ட சீன வீராங்கனை

இந்திய நட்சத்திர பேட்மிண்டன் வீராங்கனை பி.வி. சிந்து, சீனா ஓபன் பேட்மிண்டன் போட்டியின் காலிறுதிக்கு முந்தைய சுற்றில் தோல்வியடைந்து வெளியேறினார்.

இன்று நடந்த ஒரு விறுவிறுப்பான போட்டியில், உலகின் நான்காம் நிலை வீராங்கனையும் சீன நட்சத்திரமுமான சென் யுபெய், சிந்துவை 16-21, 22-20, 21-18 என்ற புள்ளி கணக்கில் தோற்கடித்தார்.

ஆட்டம்

ஒரு மணி நேரம் 29 நிமிடங்கள் நீடித்த இந்தப் போட்டியில், இருவரும் இறுதிவரை கடுமையாகப் போராடினர்.

முதல் சுற்றில் வெற்றி பெற்று, இரண்டாவது சுற்றிலும் சிந்து முன்னிலையில் இருந்தார். அவருக்கு 4 மேட்ச் பாயிண்டுகள் கிடைத்தும், அதை அவரால் புள்ளியாக மாற்ற முடியாமல் போனது ஆட்டத்தின் திருப்புமுனையாக அமைந்தது.

வாய்ப்பைப் பயன்படுத்திக்கொண்ட யுபெய், இரண்டாவது ஆட்டத்தை வென்று, போட்டியை மூன்றாவது ஆட்டத்திற்குக் கொண்டு சென்றார்.