நியூசிலாந்து அணியிடம் தோல்வியடைந்ததைத் தொடர்ந்து, அரையிறுதி வாய்ப்பை இழந்து 2026 மகளிர் டி20 உலகக்கோப்பை தொடரிலிருந்து 4வது அணியாக வெளியேறியது ஸ்காட்லாந்து.
இங்கிலாந்தின் பிரிஸ்டலில் நடைபெற்ற இப்போட்டியில் முதலில் பேட்டிங் செய்த ஸ்காட்லாந்து மகளிர் அணி, 20 ஓவர்களில் 7 விக்கெட் இழப்பிற்கு 131 ரன்கள் எடுத்தது. பின்னர் விளையாடிய நியூசிலாந்து அணி, 18.2 ஓவர்களில் 4 விக்கெட்டுகளை மட்டுமே இழந்து இலக்கை எட்டி வெற்றிப் பெற்றது.
இந்தத் தோல்வியின் மூலம் ஸ்காட்லாந்து தற்போது போட்டியிலிருந்து வெளியேறியுள்ளது. முன்னதாக அயர்லாந்து, நெதர்லாந்து, பாகிஸ்தான் ஆகிய மூன்று அணிகள் வெளியேறின.
இந்தியா இதுவரை விளையாடியுள்ள 3 போட்டிகளில் 2-ல் வெற்றிப்பெற்று ஏ அணியின் புள்ளிப்பட்டியலில் 2வது இடத்தில் உள்ளது. நியூசிலாந்து, ஸ்காட்லாந்து பி அணியில் இடம்பெற்றுள்ளன.