ஆஸ்திரேலியாவுக்கு எதிரான டெஸ்ட் தொடர்: வங்கதேச கேப்டன் கூறியது இதுதான்

பவுன்ஸ் மிக முக்கியமானது

நிச்சயமாக. பந்தின் பவுன்ஸ் தான் இதில் மிக முக்கியமானது என நான் கருதுகிறேன். கடந்த சில மாதங்களாகவே சொந்த மண்ணில் பந்து நன்றாக பவுன்ஸ் ஆகக்கூடிய ஆடுகளங்களை நாங்கள் தயார் செய்து, அத்தகைய ஆடுகளங்களில் சில ஒருநாள் தொடர்களிலும் விளையாடிப் பார்த்தோம். அதன்மூலம் எங்களுக்கு இது குறித்து ஓரளவுக்குத் தெளிவு கிடைத்துள்ளது.

இங்குள்ள ஆடுகளத்தின் பவுன்ஸ் தன்மை மாறுபட்டதாக இருக்கும் என்பதால் நாங்கள் அதற்கேற்ப எங்களைச் சிறப்பாகத் தயார்படுத்திக் கொள்ள வேண்டும்.

நாங்கள் இங்கு சுமார் 10 முதல் 12 நாட்களுக்கு முன்பே வந்துவிட்டோம். இது ஆடுகளத்தின் தன்மை குறித்த கூடுதல் புரிதலை எங்களுக்கு அளித்துள்ளது.

சவால்கள் இருக்கத்தான் செய்யும்; எதிரணியின் பந்துவீச்சு அபாரமானது, உலகத்தரம் வாய்ந்தது.

ஆனால் ஒரு அணியாக, அவர்களை எதிர்கொள்வதற்கும் அந்தச் சவால்களை ஏற்றுக்கொள்வதற்கும் இது ஒரு நல்ல வாய்ப்பு.

எங்கள் வீரர்கள் இதற்கெல்லாம் தயாராக இருக்கிறார்கள் என்பதிலும், இந்தச் சவாலை அவர்கள் மகிழ்ச்சியுடன் எதிர்கொள்வார்கள் என்பதிலும் எனக்கு முழு நம்பிக்கை உள்ளது என தெரிவித்தார்.