காங்கிரஸ் கட்சி அதிகமுறை வென்றுள்ள திருவாடானை தொகுதி கண்ணோட்டம்

கோரிக்கைகள்

புயல் காலங்களில் தங்களது படகுகள் ஒன்றோடு ஒன்று மோதி சேதமடைகிறது என கோட்டக்கரை ஆறு, விருசுழி ஆறு, மணிமுத்து ஆறு போன்ற ஆறுகள் கடலில் கலக்கிறது. இம்முகத்துவாரத்தில் மணல் திட்டுக்களை ஆழப்படுத்தி தூண்டில் வளைவு அமைக்கவேண்டும் எனவும் கடல் சீற்றத்தின்போது கடல் அலைகள் ஊருக்குள் புகாதாவாறு தடுப்புச்சுவர் அமைக்க வேண்டும் என இவை மீனவர்களின் கோரிக்கையாக உள்ளது.

திருவாடானை தொகுதி வானம் பார்த்த பூமியாக உள்ளது. 4 ஆயிரம் ஏக்கருக்கு பாசன வசதி கொடுக்கும் அளவுக்கு ராஜசிங்க மங்களம் கண்மாய் இருந்தும் பயனற்று இருந்தது. தேவகோட்டை மணிமுத்தாற்றிலிருந்து மழை காலங்களில் உபரி நீர் வந்தால்தான் கண்மாய்க்கு நீர் வரத்து கிடைக்கும்.

இதே போல வைகையாற்றிலிருந்து தண்ணீர் திறந்துவிட்டால் இப்பகுதியில் உள்ள கண்மாய்க்கு நீர்வரத்து கிடைக்கும். பொதுப்பணித்துறை கட்டுப்பாட்டின் கீழ் உள்ள 94 பெரிய கண்மாய்கள் மூலம் மணிமுத்தாற்றின் வழித்தடத்தில் உள்ள சில கண்மாய்களுக்கு குண்டாறு உபரி நீர் செல்லும் வகையில் தூர்வாரி சீரமைக்க வேண்டும் எனவும், சமீபத்தில் பெய்த பெரு மழையால் தொண்டி மணிமுத்தாறு வழியாக உபரி நீர் கடலுக்கு வீணாக சென்றது.

இனியும் அவ்வாறு மழை நீர் கடலுக்கு வீணாக செல்லாமல் தடுப்பணை கட்டவும், இத்தொகுதியில் உள்ள அனைத்து நீர்நிலைகளிலும் உள்ள பொதுமக்கள் ஆக்கிரமிப்பு, காட்டுக்கருவேல செடி ஆக்கிரமிப்புகளை அகற்றி தூர்வாரி முக்கியமாக அனைத்து நீர் நிலைகளையும் முறையாக ஆழப்படுத்தி தண்ணீர் தேக்க நடவடிக்கை எடுக்க இப்பகுதி மக்களின் நீண்ட கால கோரிக்கையாக உள்ளது. இதே போல ஆர்.எஸ். மங்களம் பெரிய கண்மாய்க்கு வைகை ஆற்று உபரி நீரை கொண்டு வரவும் நடவடிக்கை எடுக்க வேண்டும் என எதிர்பர்ர்க்கின்றனர்.

குடிதண்ணீர் பற்றாக்குறையை போக்குவதற்காக ரூ.616 கோடி செலவில் காவிரி கூட்டு குடி நீர் திட்டம் கொண்டு வரப்பட்டாலும் அனைத்து பகுதிகளுக்கும் குடிநீர் கிடைப்பதில்லை என பலரும் குறைகூறி வருகின்றனர்.

திருஞானசம்பந்தரால் பாடல் பெற்ற தலமாக திருவாடானை ஸ்ரீஆதிரெத்தினேஸ்வரர் கோவில், வாலி வழிபட்ட தலமாக 13-ம் நூற்றாண்டைச்சேர்ந்த நம்புதாளையில் உள்ள ஸ்ரீநம்புஈஸ்வரர் சமேத அன்னபூரணேஸ்வரி கோவில், திருவெற்றியூர் பாகம்பிரியால் கோவில், காரங்காடு புனித செங்கோல்மாதா திருத்தலம், காரங்காடு மாங்குரோவ் காடுகளுக்கிடையே படகு சவாரி சூழல் சுற்றுலா, ஓரியூர் புனித அருளானந்தர் ஆலயம், பாசிப்பட்டிணம் தர்ஹா ஆகிய பகுதிகளை இணைத்தும் நீண்ட கடற்கரையைக்கொண்ட தொண்டி கடற்கரை பகுதியில் உள்ள ஆக்கிரமிப்புகளை அகற்றி கடற்கரையை தூய்மைப்படுத்தி அழகுபடுத்தி சுற்றுலாத்தலமாக்க வேண்டும் என்ற கோரிக்கையும் பல காலமாக உள்ளது.

1952- செல்லத்துரை (சுயேட்சை)

1957- கரியமாணிக்கம் அம்பலம் (சுயேட்சை)

1962- கரியமாணிக்கம் அம்பலம் (சுதந்திராகட்சி)

1967- கரியமாணிக்கம் அம்பலம் (சுதந்திராகட்சி)

1971- சண்முகம் (தி.மு.க.)

1977- கரியமாணிக்கம் அம்பலம் (காங்கிரஸ்)

1980- அங்குசாமி (அ.தி.மு.க.)

1984- சொர்ணலிங்கம் (காங்கிரஸ்)

1989- கே.ஆர்.ராமசாமி காங்கிரஸ்)

1991- கே.ஆர். ராமசாமி (காங்கிரஸ்)

1996- கே.ஆர்.ராமசாமி (தமிழ் மாநில காங்கிரஸ்)

2001- கே.ஆர்.ராமசாமி (தமிழ் மாநில காங்கிரஸ்)

2006- கே.ஆர்.ராமசாமி (காங்கிரஸ்)

2011- சுப.தங்கவேலன் (தி.மு.க.)

2016- கருணாஸ் (முக்குலத்தோர் புலிப்படை (அ.தி.மு.க.)