பிளே ஆஃப் வாய்ப்பை இழந்த மும்பை இந்தியன்ஸ், லக்னோ: முதல் இடத்திற்கு முன்னேறிய ஆர்.சி.பி.

ஐ.பி.எல். 2026 தொடரின் லீக் போட்டிகள் இறுதிப் கட்டத்தை எட்டியுள்ளன. நேற்று இரவு ஆர்சிபி- மும்பை இந்தியன்ஸ் இடையிலான போட்டி நடைபெற்றது. இதில் ஆர்.சி.பி. கடைசி பந்தில் வெற்றிக்கான 2 ரன்களை எட்டி த்ரில் வெற்றி பெற்றது. இந்த வெற்றியின் மூலம் புள்ளிகள் பட்டியலில் ஆர்.சி.பி. 11 போட்டிகளில் 7-ல் வெற்றி பெற்று 14 புள்ளிகளுடன் முதல் இடத்தை பிடித்துள்ளன.

மும்பை இந்தியன்ஸ் 11 போட்டிகளில் 3-ல் மட்டுமே வெற்றி பெற்று ஏறக்குறைய பிளே ஆஃப் சுற்று வாய்ப்பை இழந்து விட்டது. அதேபோல் லக்னோ அணியும் 11 போட்டிகளில் 3-ல் மட்டுமே வெற்றி பெற்ற நிலையில் பிளே ஆஃப் சுற்று வாய்ப்பை இழந்துள்ளது.

நேற்று லக்னோ அணியை வீழ்த்தி சி.எஸ்.கே. 5-வது இடத்தில் நீடிக்கிறது. சி.எஸ்.கே. 11 போட்டிகளில் 6-ல் வெற்றி பெற்றுள்ளது. பஞ்சாப் கிங்ஸ், ராஜஸ்தான் ராயல்ஸ் (6) ஆகிய இரண்டு அணிகளும் 6 வெற்றிகளை பெற்றுள்ளன. இதில் ஒரு போட்டி கைவிடப்பட்டதால் பஞ்சாப் அணிக்கு கூடுதலாக ஒரு புள்ளி உள்ளது. இதனால் பஞ்சாப் கிங்ஸ் 4-வது இடத்தில் உள்ளது.

சன்ரைசர்ஸ் ஐதராபாத், குஜராத் டைட்டன்ஸ் 11 போட்டிகளில் தலா 7-ல் வெற்றி பெற்று 2-வது மற்றும் 3-வது இடத்தில் உள்ளன.