டெல்லி டேர்டெவில்ஸ்க்கு எதிராக பஞ்சாப் அணி பந்து வீச்சு தேர்வு

ஐபிஎல் 11-வது சீசன் நேற்று மும்பையில் தொடங்கியது. மும்பை இந்தியன்ஸ்க்கு எதிரான ஆட்டத்தில் சென்னை சூப்பர் கிங்ஸ் 1 விக்கெட் வித்தியாசத்தில் வெற்றி பெற்றது.

இன்றைய 2-வது நாளில் இரண்டு ஆட்டங்கள் நடைபெறுகின்றன. ஒரு ஆட்டம் மொகாலில் மாலை 4 மணிக்கு தொடங்குகிறது. இதில் கிங்ஸ் லெவன் பஞ்சாப் - டெல்லி டேர்டெவில்ஸ் அணிகள் மோதுகின்றன. கிங்ஸ் லெவன் பஞ்சாப் அணி கேப்டன் அஸ்வின் டாஸ் சுண்ட, டெல்லி அணி கேப்டன் காம்பீர் ஹெட் என அழைத்தார். ஆனால், டெய்ல் விழ அஸ்வின் டாஸ் வென்று பந்து வீச்சு தேர்வு செய்துள்ளார். ஐபிஎல் தொடரில் கேப்டனாக அஸ்வின் பொறுப்பேற்கும் முதல் போட்டி இதுவாகும்.