சித்த மருத்துவ பல்கலைக்கழகம், விளைபொருட்களுக்கு விலை நிர்ணயக் குழு -பாஜக தேர்தல் வாக்குறுதி

* ஒரு குவிண்டால் நெல்லுக்கு குறைந்த பட்ச ஆதார விலை ரூ.2500 ஆக நிர்ணயம் செய்யப்படும்.

* தாராபுரம் வட்டம் குளத்துப்பாளையத்தில் மூடப்பட்டுள்ள கூட்டுறவு நூற்பாலை மீண்டும் செயல்பாட்டுக்குக் கொண்டுவரப்படும்.

* மதச்சார்பற்ற அரசு, இந்துக்களின் வழிபாட்டுத் தலங்களை மட்டும் தன்வசம் வைத்திருப்பதை மாற்றி, மறைந்த தவத்திரு குன்றக்குடி அடிகளார் தலைமையிலான கமிட்டியின் பரிந்துரையின்படி, இந்துக் கோவில்களின் நிர்வாகம், இந்து ஆன்றோர்,  சான்றோர் மற்றும் துறவிகள் அடங்கிய தனித்து இயங்கும் வாரியத்திடம் ஒப்படைக்கப்படும்.

* இந்து ஆலயங்கள் நிர்வாகம் சம்பந்தமான வழக்கில் 12-02-29018 அன்று சென்னை உயர்நீதிமன்றத்தின் மதுரை கிளை பிறப்பித்துள்ள தீர்ப்பு முழுமையாக அமல்படுத்தப்படும். 

* கோவில்களுக்கு சொந்தமான விவசாய நிலங்கள், வணிக வளாகங்கள், மனைக்கட்டுகள் ஆகியவற்றை ஆக்கிரமிப்பில் இருந்து மீட்டு சம்பந்தப்பட்ட ஆலயங்களிடம் ஒப்படைக்கப்படும்.

* கோவில்களில் தரிசன கட்டணம் முழுமையாக ரத்து செய்யப்படும்.

* தண்டாயுதபாணி சுவாமி ஆலயம் அமைந்துள் பழநி நகரில், சித்த மருத்துவ பல்கலைக்கழகம் அமைக்கப்படும்.

* ஆகம விதிகள் கற்பிப்பதற்கும், ஆராய்ச்சிகள் செய்வதற்கும் தனிப் பல்கலைக்கழகம் துவங்கப்படும்.

* கிராம கோவில்களில் பூசாரியாக பணிபுரிவோருக்கும், திருக்கோவில் அர்ச்சகர்கள் மற்றும் பட்டாச்சாரியார்களுக்கும் மாதம் ஒன்றுக்கு குறைந்தபட்ச ஊதியமாக ரூ.5000 வழங்கப்படும்.

* கிராமக் கோவில் பூசாரிகளின் குடும்ப உதவித்தொகை உயர்த்தப்படும்.

* பல ஆண்டுகளாக தினக்கூலியாக பணியாற்றும் திருக்கோவில் ஊழியர்கள் பணி நிரந்தரம் செய்யப்படுவார்கள்.