அஷ்ட லட்சுமியின் அருளை பெற்று தரும் சித்திரை வளர்பிறை பஞ்சமி வழிபாடு

நிலை வாசலின் இருபுறமும் தீபம் ஏற்ற வேண்டும். இவ்வாறு தீபம் ஏற்றும் பொழுது முழுமனதோடு வாராகி அம்மனையும் குலதெய்வத்தையும் நினைத்து வீட்டில் செல்வங்கள் சேர வேண்டும், சிறப்பான வாழ்க்கை அமைய வேண்டும் என்று வேண்டிக்கொள்ள வேண்டும். இந்த தீபம் குறைந்தது 48 நிமிடமாவது எரிய வேண்டும். பிறகு இந்த தீபத்தை குளிர வைத்து விடுங்கள். ஆனால் அகல் விளக்கை அங்கு இருந்து அப்புறப்படுத்த கூடாது. அன்று இரவு வரை நிலை வாசலிலேயே இந்த அகல் விளக்கு இருக்க வேண்டும்.

இரவு படுக்கச் செல்வதற்கு முன்பாக அகல் விளக்கை எடுத்து வைத்துவிட்டு அந்த தட்டில் இருக்கக்கூடிய மஞ்சள், குங்குமம் கலந்த தண்ணீரை வீட்டு வாசலில் எந்த இடத்தில் கோலம் போடுவோமோ அந்த இடத்தில் ஊற்றி விட வேண்டும்.

இந்த முறையில் நாம் செய்வதன் மூலம் குலதெய்வம் மற்றும் வாராகி அம்மனின் பரிபூரணமான அருளை நம்மால் பெற முடியும். வீட்டில் இருக்கக்கூடிய அனைத்து விதமான எதிர்மறை ஆற்றல்களும் விலகி ஓடும். நிலைவாசல் பூஜை என்பது குல தெய்வத்திற்கும் அஷ்டலட்சுமிகளுக்கும் உரிய பூஜை ஆக கருதப்படுகிறது. வளர்பிறை பஞ்சமி நாளில் நிலை வாசலில் இந்த முறையில் தீபம் ஏற்றும் பொழுது அஷ்ட லட்சுமிகளோடு குலதெய்வத்தின் அருளையும் வாராகி அம்மனின் அருளையும் பரி பூரணமாக பெற முடியும்.

மேலும் பஞ்சமி திதியன்று விரதம் மேற்கொண்டு, வீட்டில் 5 வகையான எண்ணெய் கலந்து, குத்துவிளக்கின் 5 முகங்களையும் ஏற்றி வழிபட வேண்டும். விளக்கேற்றிய பிறகு, தீபத்தின் ஒரு முகத்தை உற்றுப் பார்த்தபடி, உங்கள் வேண்டுதல்களை மனதிற்குள் நினைத்துக் கொண்டு, ‘ஓம் ஸ்ரீ பஞ்சமி தேவியை நமக’ என்ற மந்திரத்தை 108 முறை உச்சரிக்க வேண்டும். மந்திரம் சொல்லி முடித்ததும், கற்கண்டு அல்லது பழங்களை நைவேத்தியமாகப் படைத்து வழிபாட்டை நிறைவு செய்யலாம்.

பஞ்சமி திதியில், வாராகி மூலமந்திரத்தையும் வாராகி காயத்ரி மந்திரம் பாராயணம் செய்து செவ்வரளி முதலான செந்நிற மலர்கள் சூட்டி வணங்கினால் அன்னை எதிரிகளை பலமிழக்கச் செய்து அருளுவாள். துக்கத்தையும் வாட்டத்தையும் போக்கி அருளுவாள் அன்னை. வாழ்வுக்கு வழியையும் வளத்தையும் கொடுத்துக் காப்பாள் வாராகி அம்மன்.