கள்ளழகர் தங்கப்பல்லக்கில் மதுரைக்கு புறப்பட்டார்: மூன்றுமாவடியில் இன்று எதிர்சேவை

இதற்காக அழகர்கோவிலில் இருந்து நேற்று மாலை 5.30 மணிக்கு கொண்டப்பநாயக்கர் மண்டபத்துக்கு கண்டாங்கி பட்டுடுத்தி, கையில் சங்கு, சக்கரம், நேரிக்கம்பு, வளைதடியுடன் கள்ளழகர் திருக்கோலத்தில் அலங்கரிக்கப்பட்டு தங்கப்பல்லக்கில் சுந்தரராஜப் பெருமாள் எழுந்தருளி பக்தர்களுக்கு காட்சியளித்தார். அப்போது ஏராளமான பக்தர்கள் சாமி தரிசனம் செய்தனர். அமைச்சர் உதயகுமார், கலெக்டர் வீரராகவராவ், தக்கார் வெங்கடாசலம், நிர்வாக அதிகாரி மாரிமுத்து, எம்.எல்.ஏ.க்கள் ராஜன்செல்லப்பா, பெரியபுள்ளான் உள்பட பலர் கலந்துகொண்டனர்.

பிறகு பதினெட்டாம் படி கருப்பணசாமி கோவில்முன்பு சாமிக்கு சிறப்பு பூஜை, தீபாராதனை நடந்தது. அங்கு மேளதாளம் முழங்க தீவட்டி பரிவாரங்களுடன் ‘போய் வருகிறேன், போய் வருகிறேன்’ என்று கருப்பணசாமியிடம் கூறி கள்ளழகர் செல்லும் பக்தி பரவச நிகழ்ச்சி நடந்தது.