உஜ்ஜயினி மாகாளியும் போஜராஜனும்

பக்தர்களுக்கு அன்னதானம்

ஆண்டு முழுவதும் லட்சக்கணக்கான பக்தர்கள் வந்து செல்லும் சமயபுரம் மாரியம்மன் கோவிலில், யாத்திரீகர்களின் நலனைக் கருத்தில் கொண்டு பல்வேறு சிறப்பான வசதிகள் இந்து சமய அறநிலையத் துறை மற்றும் கோவில் நிர்வாகத்தின் மூலம் செய்யப்பட்டுள்ளன. வெளி ஊர்களில் இருந்து வரும் பக்தர்கள் தங்கி ஓய்வெடுப்பதற்காகக் குறைந்த கட்டணத்தில் தங்கும் விடுதிகள், நவீனக் கழிவறைகள் மற்றும் முடி காணிக்கை செலுத்துவதற்கான பிரத்யேக மண்டபங்கள் தூய்மையான முறையில் பராமரிக்கப்பட்டு வருகின்றன. இக்கோவிலின் மிக உன்னதமான சேவைகளில் ஒன்று நித்திய அன்னதானத் திட்டம் ஆகும். தினமும் மதியம் இக்கோவிலுக்கு வரும் ஆயிரக்கணக்கான பக்தர்களுக்குத் தரமான முறையில் சுடச்சுட அன்னதானம் வழங்கப்பட்டு வருகிறது. கோவில் வழிபாட்டு நேரங்களைப் பொறுத்தவரை, காலை ஐந்து மணி முதல் மதியம் ஒரு மணி வரையிலும், பின்னர் மாலை நான்கு மணி முதல் இரவு ஒன்பது மணி வரையிலும் கோவில் நடை திறந்திருக்கும். விசேஷ நாட்களான செவ்வாய், வெள்ளி, ஞாயிற்றுக்கிழமைகள் மற்றும் பௌர்ணமி தினங்களில் பக்தர்கள் கூட்டம் அதிகமாக இருக்கும் என்பதால், அன்றைய தினங்களில் சிறப்புத் தரிசன வழிகளும், கூடுதல் பாதுகாப்பு ஏற்பாடுகளும் செய்யப்படுகின்றன.