தெளிவான சிந்தனையே நலம் தரும்!

ஒமேகா 3 கொழுப்பு அமிலங்கள். வால்நட், ஆலிவ் எண்ணை, ஆளி விதை, சியா விதை ஆகியவை கண் உலர்வினை தவிர்க்கும். ஆரஞ்சு, நெல்லிக்காய், பாதாம் இவற்றில் உள்ள வைட்டமின் சி, ஏ சத்துக்கள் ஆன்டிஆக்ஸிடன்ட் செயல்பாட்டினை ெகாண்டவை. கண்களுக்கு மிகச் சிறந்தது.

கண் பயிற்சிகள்: 20 20 20 விதியினை பின்பற்றுங்கள். 20 நிமிடங்களுக்கு ஒருமுறை 20 அடி தூரத்தில் உள்ள பொருளை 20 வினாடிகள் உற்றுப் பாருங்கள். இது திரை பயன்பாட்டால் ஏற்படும் கண் சோர்வை குறைக்கும்.

கைகளால் கண்களுக்கு ஓய்வு: இரு கைகளையும் சற்று தேய்த்து கண்களை பொத்தினால் போல வைக்கவும். 1,2 நிமிடங்கள் இவ்வாறு செய்யலாம். கண்களின் தளர்ச்சி நீங்கும்.

அருகில் உள்ள பொருளை 10 வினாடிகள் பாருங்கள். பின்னர் தூரத்தில் உள்ள பொருளை 10 வினாடிகள் பாருங்கள். இந்த பயிற்சி கண் தசைகளை வலுப்படுத்தும் என குறிப்பிடுகின்றனர்.

போதிய தூக்கம்: 7 முதல் 8 மணி நேரம் தூக்கம் கண்ணுக்கு ஓய்வு தரும். கண் உலர்வினைக் குறைக்கும்.

திரை நேர கட்டுப்பாடு: செல்போன், கம்ப்யூட்டர் இவற்றை பயன்படுத்தும் நேரத்தினை குறைக்க வேண்டும். நீல நிற பில்டர் பயன்படுத்தலாம். அறையில் ஒளி சரியாக இருக்க வேண்டும்.

கண் பாதுகாப்பு: வெயிலில் பாதுகாப்பு கண்ணாடி அணிய வேண்டும். தூசு மிகுந்த சூழலில் பாதுகாப்பு கண்ணாடி அணிய வேண்டும். யோகா முறையில் ஒரு நிலையான பொருளை கண் இமைக்காமல் சில நொடிகள் பார்க்கச் சொல்கின்றனர். கண் மருத்துவர் ஆலோசனை பெற்று இதனை செய்யவும்.

நாடி சக்தி பிராணயாமம் உதவும். தினமும் 2,3 லிட்டர் வரை தண்ணீர் பருகவும். மேற்குறிய அனைத்தும் கண் பிரச்சினைக்குத் தீர்வு கிடையாது. முறையான மருத்துவர் பரிசோதனையுடன் அவரது ஆலோசனை பெற்று கண் ஆரோக்கியத்தினை கூட்டிக் கொள்ளலாம்.

நீரிழிவு உயர் ரத்த அழுத்தம் உடையவர்கள் மற்றும் ஏதேனும் கண் பாதிப்பு உடையவர்கள் தொடர் மருத்துவ பரிசோதனை பெறுவது அவசியம். திடீர் பார்வை குறைவு, வலி, ஒரு மின்னல் பாதிப்பு போன்றவை உடனடி மருத்துவ கவனம் பெற வேண்டியவை. கிட்டப் பார்வை, தூரப்பார்வை கோளாறுகளை காலம் தாழ்த்தாது கவனியுங்கள்.

மன அழுத்தம், சோர்வு, தூக்கமின்மை, அதிக காபி, டீ, மது, ஒவ்வாமை இவையும் கண்பாதிப்பு, கண் துடிப்பு போன்றவற்றினை ஏற்படுத்தும் என்பதனையும் அறிவோம்.