ஆரோக்கியத்துக்கு உதவும் உணவு முறைகள்!

குடலை சற்று சீர் செய்ய வேண்டுமா?

க்ளூடென் உணவு, சர்க்கரை உணவு, அதிக எண்ணை இவற்றினை 7 முதல் 14 நாட்கள் வரை தவிர்த்துப் பாருங்கள்.

கொழுப்பில்லா தயிர், மோர் சேர்த்துக் கொள்ளுங்கள். டான்டிரியன் டீ, சிறிது எலுமிச்சை கலந்த நீர் பருகுங்கள். நார்சத்து உணவில் போதிய அளவு இருக்கட்டும். கீரை, பீட்ரூட் இவற்றினை அடிக்கடி சேர்த்துக் கொள்ளுங்கள். சிங், வைட்டமின் பி6 மருத்துவர் ஆலோசனையோடு எடுத்துக் கொள்ளுங்கள். அவ்வளவுதான் குடல் ஆரோக்கியம் கூடும்.

* அதிகம் பதப்படுத்தப்படாத இயற்கையோடு ஒட்டிய உணவுகள் நல்லது.

சத்துணவு என்பது மட்டும் தீர்வாகாது. குறிப்பிட்ட நேரத்தில் அதனை எடுத்துக் கொள்வதும் அவசியம்.

மலச்சிக்கல் இருப்பவர்கள் கவனிக்க வேண்டியவை

* அதிகமாக காபி, டீ குடிப்பதை தவிர்க்கவும்.

* மதுவினை தவிர்க்கவும்.

* பயணத்தின் போது தேவையான அளவு நீர் அருந்தவும்.

* நார்ச்சத்து உணவில் குறையாது பார்த்துக்

கொள்ள வேண்டும்.

* உடற்பயிற்சி அவசியம்.

* பதப்படுத்திய உணவுகளை தவிர்க்கவும்.

* அதிகமாக பால் சார்ந்த சீஸ், பன்னீர் எடுத்துக் கொள்ள வேண்டாம்.

* மோர் நன்கு எடுத்துக் கொள்ளலாம்.

* மருந்துகளால் மலச்சிக்கல் ஏற்படுகின்றதா என மருத்துவரிடம் கேட்டு அறியவும்.

* குடல் கிருமிகள் பாதிப்பு இருக்கக் கூடாது. மன உளைச்சல், கவலை இவை குடல் ஆரோக்கியத்தினை பாதிக்கும்.

* ஹார்மோன்கள் சீராக இயங்க வேண்டும்.

குடலை சுத்தம் செய்வதில் பிளாக்ஸ் விதை எனப்படும் ஆளி விதை பெரிதும் உதவுகின்றது.

* குடல் புற்றுநோய், மார்பகப் புற்றுநோய் அபாயத்தினை குறைக்கின்றது. செல்களை சுத்தம் செய்கின்றது. குடல் செயல்பாடு மேம்படுகின்றது. ஜீரண சக்தியை கூடுகின்றது. நோய் எதிர்ப்பு சக்தி கூட்டுகின்றது. உள் வீக்கங்களை குறைக்கின்றது. மன உளைச்சலை கட்டுப்படுத்துகின்றது.

* நரம்பு மண்டல ஆரோக்கியம் கூடுகின்றது. நார்ச்சத்து மிகுந்தது. குளூட்டன் இல்லாதது. சர்க்கரை அளவு ஏறாது. ஒமேகா-3 சத்து நிறைந்தது. கண் ஆரோக்கியம் கூடும்.

* இதய பாதுகாப்பு, ரத்த கொதிப்பினை கட்டுப்படுத்தும்.

* சருமம், முடி பராமரிப்பிற்கு சிறந்தது. இதனை அன்றாடம் சத்துணவு நிபுணர் ஆலோசனை பெற்று உணவில் சேர்த்துக் கொள்ள வேண்டும்.

அசிடிடி, நெஞ்செரிச்சல் இது அநேகரின் வாழ்வில் புகுந்து விட்டது. இதற்கு பல காரணங்களை கூறலாம். இதன் அறிகுறிகளாக பலருக்கு அன்றாடம் நெஞ்செரிச்சல், புளித்த ஏப்பம், வயிற்றில் ஒரு சங்கடம். காபி, டீ குடித்தால் அதிகமாவது என்று இருக்கலாம். உங்கள் உணவு பாதையில் வீக்கம் உள்ளது என்பதனை புரிந்து கொள்ளுங்கள்.

* சில அவசர மருந்துகள் அந்நேரத்திற்கான தீர்வினை தரலாம். ஆனால் நிரந்தர தீர்வினை தராது. இதற்கான முறையான மருத்துவ பரிசோதனை, மருத்துவ சிகிச்சை, உணவு முறையில் மாற்றம் என்று தேவைப்படுகின்றது.

ஆயுர்வேதத்தில் கடைபிடிக்க கூறும் ஒரு முறையினையும் பார்ப்போம்

* அவர்கள் காலை வெறும் வயிற்றில் அரை கப் மாதுளை பழம் சாப்பிட சொல்கின்றனர். அல்லது சிறிது ஜூசாக சீரகம் சேர்த்து எடுத்துக் கொள்ள அறிவுறுத்துகின்றனர்.

* சிறிது நேரம் சென்று 5 நிமிடம் ஆழ் மூச்சுப் பயிற்சி செய்ய வேண்டும். மசாலா, எண்ணை பொருட்களை தவிர்க்க வேண்டும். முயற்சி செய்யலாமே. அமைதியான வயிறு, நல்ல ஜீரணம், வயிற்றில் எரிச்சல், வலி இன்மை என்பது சிறந்த ஆரோக்கியம்

குடலில் ஒட்டுண்ணிகள் இருப்பதற்கான அறிகுறிகள்

வயிற்றுப்போக்கில் ரத்தம், ஆசன வாயில் அரிப்பு மற்றும் கழிவில் புழுக்கள், தலைவலி, சதை வலி, மூட்டு வலி, வயிற்றுப்போக்கு, ரத்த சோகை, சோர்வு, தூக்கமின்மை, தூக்கத்தில் பல் கடித்தல், எடை குறைவு, குடல் பிரச்சினைகள், பசி அதிகரித்தல், உடலில் சத்து குறைபாடு.

இவைகள் இருந்தால் உடனடியாக மருத்துவ சிகிச்சை எடுப்பது பல பிரச்சினைகளுக்கு தீர்வாகும்.

* வயிறு காலியாய் இருக்கும்போது தரையில் படுத்து இரு கால்களையும் சுவற்றின் மேல் வைத்து உயர்த்திக் கொள்ளுங்கள்.

* ரத்த ஓட்டம், இதயத்திற்கு நன்கு செல்லும், ஸ்ட்ரெஸ் குறையும், நரம்புகள் வலுப்பெறும், கணுக்கால் வீக்கம் குறையும், வெரிகோஸ் வெயின் பாதிப்பு குறையும், தலைவலி நீங்கும், ஜீரணம் மேம்படும், இத்தனை எளிதாய் கிடைக்கும் நன்மைகளை விடலாமா? இன்றே செயல்படுத்துவோம். நோய்க்கு தீர்வு மருந்துடன் மேல் கூறியனவையும் அவசியமே.