குஷ்பு என்னும் நான்: சந்தித்ததும் சிந்தித்ததும்- சமாதானப்படுத்திய விஜயகாந்த்- 27

நடிகை குஷ்பு கடந்த வந்த பாதையும் பயணமும் கடினமானது அதை ‘மாலைமலர்’ வாசகர்களுடன் பகிர்ந்து கொள்கிறார்.

மாலை மலர்

Published:31st Jan, 2022 at 4:10 PM

யார் இந்த பொண்ணு? நல்லா நடிக்கிறாளே என்று தமிழ் திரை உலகம் பேசும் அளவுக்கு ‘தர்மத்தின் தலைவன்’, ‘வரு‌ஷம்-16’ ஆகிய இரண்டு படங்களிலும் எனது நடிப்பு அமைந்து இருந்தது.

அந்த இரண்டு படங்களும் சூப்பர்ஹிட் படங்கள் என்பதையும் தாண்டி தமிழ் ரசிகர்களின் ரசனைக்கும் ஏற்றவாறு அமைந்து இருந்தது. அந்த வாய்ப்பை பயன்படுத்தி நானும் வலுவாக கால் ஊன்றினேன்.

அதேநேரம் தயாரிப்பு நிறுவனங்கள், டைரக்டர்களை பார்த்து பார்த்தே நான் நடிப்பதற்கு ஒத்துக்கொண்டேன். சிறுவயதிலேயே இந்த விசயத்தில் நான் உறுதியாக இருந்தேன்.

இந்த நிலையில் தான் சிவாஜி புரடெக்சன் தயாரிப்பில் ‘வெற்றிவிழா’ பட வாய்ப்பு வந்தது. மீண்டும் பிரபுவுக்கு ஜோடியாக நடித்தேன். படம் முழுவதும் சென்னையில் தான் படமாக்கப்பட்டது.

பிரதாப் போத்தன் டைரக்டர். அவர் எனக்கு நல்ல நண்பரும் கூட. அந்த படப்பிடிப்புக்கு சென்றது முழுக்க முழுக்க ‘பிக்னிக்’ போவது போல்தான் இருக்கும். படப்பிடிப்பு தளத்திலும் செம ஜாலியாக இருந்தது.

அந்த படத்தில் எனக்கும், பிரபு சாருக்கும் ஒரு டூயட் பாடல் ‘சீவி சினுக்கெடுத்து...’ அந்த பாடலுக்கு நடனம் சொல்லித்தர மாஸ்டர் இல்லை.

ஆனால் நான் இவ்வளவு கோபப்படுவேன் என்று யாரும் எதிர்பார்க்கவில்லை. நான் கிளம்பிவிட்டதால் படப்பிடிப்பை நடத்த முடியாத சூழலில் என்னை பலர் சமாதானப் படுத்தினார்கள். ஆனாலும் நான் ஒத்துக் கொள்ளவில்லை. கடைசியில் ராவுத்தர் பிலிம்ஸ் இப்ராஹிம் ராவுத்தர், பி.சிவா, விஜயகாந்த் சார் ஆகியோர் என்னை சமாதானப்படுத்தி இனிமேல் அந்த மாதிரி எதுவும் நடக்காது. நாங்கள் பார்த்து கொள்கிறோம் என்று உத்தரவாதம் அளித்தார்கள். அவர்கள் கேட்டுக்கொண்ட பிறகு என்னால் மறுக்க முடியவில்லை. அதன்பிறகு மீண்டும் படப்பிடிப்பில் கலந்து கொண்டு நடித்து முடித்தேன்.