விஜய் ஹசாரே கோப்பைக்கான உள்ளூர் ஒரு நாள் கிரிக்கெட் போட்டித் தொடர் பல்வேறு நகரங்களில் நடந்து வருகிறது. இதில் பெங்களூருவில் நேற்று நடந்த (ஏ பிரிவு) ஒரு ஆட்டத்தில் பஞ்சாப்-அரியானா அணிகள் மோதின. முதலில் பேட் செய்த பஞ்சாப் 9 விக்கெட் இழப்புக்கு 247 ரன்கள் சேர்த்தது. அதிகபட்சமாக கேப்டன் யுவராஜ்சிங் 43 ரன்கள் (77 பந்து, 4 பவுண்டரி) எடுத்து கேட்ச் ஆனார்.
அடுத்து களம் இறங்கிய அரியானா அணி 49.5 ஓவர்களில் 8 விக்கெட்டுக்கு 251 ரன்கள் எடுத்து 2 விக்கெட் வித்தியாசத்தில் ‘திரில்’ வெற்றியை பெற்றது. கேரளா-பெங்கால் (பி பிரிவு) அணிகள் இடையிலான நடந்த மற்றொரு பரபரப்பான ஆட்டம் யாருக்கும் வெற்றி தோல்வியின்றி டையில் (சமன்) முடிந்தது. இதில் 236 ரன்கள் இலக்கை நோக்கி ஆடிய பெங்கால் அணியால் 50 ஓவர்களில் 8 விக்கெட்டுக்கு 235 ரன்களே எடுக்க முடிந்தது. பெங்கால் கேப்டன் மனோஜ் திவாரி (73 ரன்) களத்தில் இருந்தும் இலக்கை தாண்ட முடியாமல் போய் விட்டது.