இடிபாடுகளின் முன் தொடரும் காத்திருப்பு: நேபாள வெள்ளத்தில் குடும்பங்களை இழந்து தவிக்கும் செல்லப்பிராணிகள்!

இடிபாடுகளுக்கு இடையே 'லில்லி'

துங்கே பகுதியில் வெள்ளத்தின் கோரத்தாண்டவத்தால் வீடுகள் அனைத்தும் முற்றிலுமாக உருக்குலைந்து போயின. அந்தப் பகுதியில் வசித்து வந்த 'லில்லி' என்ற வளர்ப்பு நாய், தன் கழுத்தில் இருந்த பட்டை மாறாமல், தனது வீடு இருந்த இடத்திலேயே அமர்ந்து காணாமல் போன தனது குடும்பத்தினருக்காகப் பல மணி நேரமாகக் காத்துக்கொண்டிருக்கிறது. சுற்றிலும் சகதியும் இடிபாடுகளும் நிறைந்த சூழலில், தன்னைக் காப்பாற்ற வரும் மீட்புக் குழுவினரைக் கண்ட பின்னரும் அந்த இடத்தை விட்டு நகர மறுக்கும் லில்லியின் வீடியோக்கள் சமூக வலைத்தளங்களில் வெளியாகி நெகிழ்ச்சியை ஏற்படுத்தியுள்ளன.