குளித்துவிட்டு பேரீச்சம்பழம் சாப்பிட்ட கொலையாளிகள்.. வங்கதேசத்தில் இந்து குடும்பம் கொல்லப்பட்டதன் திடுக்கிடும் பின்னணி

அதிரவைக்கும் காரணம்

சம்பவத்தன்று இரவு, சந்தேக நபர்களான முக்தா தாஸ் மற்றும் சித்தார்த்தா தாஸ் ஆகிய இருவரும் கணபதி சக்ரவர்த்தியின் வீட்டின் மொட்டை மாடியில் அமர்ந்து 'யாபா' போதை பொருளை உட்கொண்டதாக கூறப்படுகிறது.

இதை கவனித்த கணபதி சக்ரவர்த்தி மொட்டை மாடிக்கு சென்று, தனது வீட்டின் மாடியில் போதைப்பொருள் பயன்படுத்துவதை தடுத்து கண்டித்துள்ளார்.

இதனால் ஆத்திரமடைந்த குற்றவாளிகள், முதலில் கணபதி சக்ரவர்த்தியின் கழுத்தை துண்டால் இறுக்கிக் கொன்றுள்ளனர்.

கணபதியின் முனகல் சத்தம் கேட்டு அவரைப் பார்க்க படிக்கட்டு வழியே மேலே வந்த மனைவி பிரிதிலதாவையும் அதேபோல் கழுத்தை நெரித்துக் கொன்றுள்ளனர்.

தொடர்ந்து தாயின் சத்தம் கேட்டு வந்த மகள் அகாமி சக்ரவர்த்தியையும் அவர்கள் படிக்கட்டிலேயே கொன்றனர்.

இறுதியில், தங்கள் குற்றம் வெளியே தெரிந்துவிடும் என்ற பயத்தில், கட்டிலில் தூங்கிக் கொண்டிருந்த 12 வயது சிறுவன் பிரியத்தையும் கழுத்தை நெரித்துக் கொலை செய்துள்ளனர்.

கொலைக்குப் பிறகு, வழக்கை திசைதிருப்பி கொள்ளை சம்பவமாக காட்டவே குற்றவாளிகள் அலமாரிகளை கலைத்து நாடகமாடியதும், தங்க நகைகளைக் கொள்ளையடித்து சென்றதும் காவல்துறை விசாரணையில் தெரியவந்துள்ளது.

கைது செய்யப்பட்ட இருவரும் தங்கள் குற்றத்தை ஒப்புக்கொண்டு இவற்றை வாக்குமூலமாக அளித்துள்ளனர்.