லெபனான் மீதான தாக்குதலை இஸ்ரேல் முழுமையாக நிறுத்தாமல் அமெரிக்காவுடன் ஒப்பந்தம் சாத்தியமில்லை - ஈரான் உச்ச தலைவர்

ஹிஸ்புல்லாவுக்கு பாராட்டு

அதில், ஹிஸ்புல்லாவின் "பொறுமை, உன்னதம் மற்றும் தியாகத்தை" பாராட்டிய மொஜ்தபா, அவ்வமைப்பை "அசையாத பாறை" என்று வர்ணித்துள்ளார்.

மேலும், "ஜிகாத் மற்றும் எதிர்த்து போரிடுவதை தவிர வேறு பாதை எதுவும் இல்லை" என்று கூறிய காமேனி தொடர்ந்து போராடினால் இறுதியில் தெய்வீக வெற்றியை அது கொண்டுவரும் என தெரிவித்துள்ளார்.

லெபனானின் பிராந்திய ஒருமைப்பாட்டையும், ஹிஸ்புல்லாவையும் பாதுகாப்பது ஈரானின் பொறுப்பு என்றும் அமெரிக்காவிற்கு எதிரான போரை முடிவுக்குக் கொண்டுவர, லெபனான் மீதான இஸ்ரேலின் தாக்குதல் நிறுத்தப்படுவது கட்டாயம் எனவும் திட்டவட்டமாக தெரிவித்துள்ளார்.

தொடர்ந்து தனது பதிவில், தாக்குதலுக்கு உள்ளான தெற்கு லெபனான் மக்களின் பொறுமையையும் ஆதரவையும் பாராட்டி, கொல்லப்பட்ட ஹிஸ்புல்லா தலைவர் சையத் ஹசன் நஸ்ரல்லா மற்றும் பிற தளபதிகளுக்கு அஞ்சலி செலுத்திதுவதாக குறிப்பிட்டுள்ளார்.

ஹிஸ்புல்லாவை ஒரு சிறிய நாற்றிலிருந்து ஒரு பெரிய மரமாக போராளிகள் உயர்த்தியுள்ளனர் என்றும் இஸ்லாமிய உலகம் முழுவதும் லெபனானிற்கு பெருமை சேர்த்துள்ளனர் என ஹிஸ்புல்லாவினரை மீண்டும் மொஜ்தபா பாராட்டியுள்ளார்.