உலகளாவிய தொழில்நுட்பப் புரட்சியை இந்தியா வழிநடத்துகிறது! ‘பாரத் இன்னோவேட்ஸ்’ மாநாட்டில் பிரான்ஸ் அதிபர் மேக்ரான் புகழாரம்!!

செயற்கை நுண்ணறிவு (AI) மற்றும் திறந்தவெளி மாதிரி..

சில நாடுகள் மேம்பட்ட செயற்கை நுண்ணறிவு மாதிரிகளுக்கான அணுகுமுறைகளைக் கட்டுப்படுத்தவும், அதை தங்களின் சக்தி வாய்ந்த ஆயுதமாக மாற்றவும் முயலும் வேளையில், இந்தியாவும் பிரான்சும் திறந்தவெளி மற்றும் கூட்டு ஏஐ மாதிரிகளை ஆதரிப்பதாக மேக்ரான் தெரிவித்தார். மேலும் உலக நன்மைக்காக பன்னாட்டு ஏஐ கூட்டுறவை இரு நாடுகளும் வலுப்படுத்தும் என்றார்.

சுற்றுச்சூழல் மற்றும் எரிசக்தி பாதுகாப்பு..

பருவநிலை மற்றம் மற்றும் எரிசக்தி பாதுகாப்பில் இரு நாடுகளின் கூட்டணியைச் சுட்டிக்காட்டிய அவர், 'சர்வதேச சூரியசக்தி கூட்டணி' மற்றும் ஜெய்தாபூர் அணுமின் திட்டம் உள்ளிட்ட கூட்டு முயற்சிகளை நினைவு கூர்ந்தார். நிச்சயமாக தூய்மையான எரிசக்தி மற்றும் அறிவியல் ஆராய்ச்சிகளின் எதிர்காலத்தை உருவாக்க இருநாடுகளும் இணைந்து பணியாற்றும் என்று உறுதியளித்தார்.

3 நாட்கள் நடைபெறும் மாநாடு..

இந்தியா - பிரான்ஸ் புத்தாக்க ஆண்டின் முக்கிய மைக்கல்லாக, இன்று முதல் (ஜூன் 14 - 16) ஆகிய மூன்று நாட்களுக்கு இந்த மாநாடு நடைபெறுகிறது. இந்த இரு நாடுகளைச் சேர்ந்த முன்னணி புத்தொழில் நிறுவனங்கள், கண்டுபிடிப்பாளர்கள் மற்றும் சர்வதேச முதலீட்டாளர்களை ஒன்றிணைக்கும் ஒரு வலுவான தளமாக இம்மாநாடு அமைந்துள்ளது