இம்ரான் கானுக்கு ஆதரவாக களமிறங்கிய முன்னாள் கிரிக்கெட் கேப்டன்கள் - பாகிஸ்தான் பிரதமருக்கு கடிதம்

கடிதம்

அந்த கடிதத்தில் பாகிஸ்தான் உச்ச நீதிமன்றம் உத்தரவிட்ட மருத்துவக் குழுவில், இம்ரான் கானின் தனிப்பட்ட மருத்துவர்களையும் சேர்த்து முழுமையான மருத்துவப் பரிசோதனை செய்ய அனுமதிக்க வேண்டும்.

குறிப்பாக, அவரது வலது கண்ணில் ஏற்பட்டுள்ளதாகக் கூறப்படும் பார்வைக் குறைபாடு குறித்து விரிவாக ஆய்வு செய்ய வேண்டும்.

இம்ரான் கானைச் சந்திக்க அவரது குடும்பத்தினருக்கு வாரந்தோறும் அனுமதி அளிக்கும் உச்ச நீதிமன்ற உத்தரவை, எந்தவித நிர்வாகத் தாமதமுமின்றி பாகிஸ்தான் அரசு பின்பற்ற வேண்டும்.

மருத்துவக் குழுப் பரிந்துரைக்கும் சிகிச்சைகளை எந்தவிதத் தாமதமுமின்றி உடனடியாக இம்ரான் கானுக்கு வழங்க வேண்டும் என கோரிக்கைகள் வைக்கப்பட்டுள்ளன.

கையெழுத்து

இந்த கடிதத்தில், இந்திய கிரிக்கெட் அணியின் முன்னாள் கேப்டன்கள் சுனில் கவாஸ்கர், கபில் தேவ், திலீப் வெங்சர்க்கார் ஆகியோரையும் சேர்த்து ஆஸ்திரேலியா, இங்கிலாந்து, வெஸ்ட் இண்டீஸ், இலங்கை, நியூசிலாந்து கிரிக்கெட் அணிகளின் உள்ளிட்டவற்றின் முன்னாள் கேப்டன்களும் கையெழுத்திட்டுள்ளனர்.

பாகிஸ்தானின் உள்நாட்டு சட்டப் நடைமுறைகளில் தலையிட விரும்பவில்லை என்றும் நீதிமன்ற உத்தரவுப்படி மருத்துவ உதவி வழங்குவது அடிப்படை மனிதநேயம் என்றும் முன்னாள் கேப்டன்கள் சுட்டிக்காட்டியுள்ளனர்.