பிரிட்டனில் ஏர் டிராஃபிக் சிஸ்டம் முடங்கியதால் 1,000-க்கும் மேற்பட்ட விமானங்கள் ரத்து; 65,000 பயணிகள் தவிப்பு!

பிரிட்டிஷ் ஏர்வேஸ் 100-க்கும் மேற்பட்ட விமானங்களை ரத்து செய்ததுடன், விமானங்களும் அதன் ஊழியர்களும் வெவ்வேறு இடங்களில் சிக்கியுள்ளதால் இந்த பாதிப்பு அடுத்தடுத்த நாட்களிலும் தொடரும் என எச்சரித்துள்ளது.

ஈஸிஜெட் நிறுவனமும் ஐரோப்பா முழுவதும் இதன் தாக்கம் பரவியுள்ளதாகக் கூறியுள்ளது.

பயணிகளின் குமுறல்

"விமான நிலையத்தைக் கடப்பது அல்காட்ராஸ் சிறையிலிருந்து தப்பிப்பது போல இருந்தது; இது ஒரு மோசமான பகற்கனவு" என்று காட்விக் விமான நிலையத்தில் 3 மணி நேரம் காத்திருந்து விமானம் ரத்து செய்யப்பட்ட ஜோசி டோனோகு என்ற பயணி வேதனையுடன் தெரிவித்தார்.

பல பயணிகள் விமானங்களுக்குள்ளேயே 4 மணி நேரத்திற்கும் மேலாகக் காத்திருக்க வைக்கப்பட்டனர்.

அரசு மற்றும் அதிகாரிகளின் நடவடிக்கை

விமானப் போக்குவரத்துத் துறை அமைச்சர் ஹெய்டி அலெக்சாண்டர் இது குறித்து தெரிவிக்கையில், சிஸ்டம் சரிசெய்யப்பட்டதை வரவேற்றார்.

எனினும், விமான சேவைகள் முழுமையாக சீரடைய நேரம் ஆகும் என்பதால், பயணிகள் தங்களது விமான நிறுவனங்களைச் சரிபார்த்துவிட்டு புறப்படுமாறு அறிவுறித்தினார்.

மேலும், இத்தகைய தவறுகள் மீண்டும் நடக்காமல் இருக்க NATS அமைப்பிடம் உரிய விளக்கம் கேட்கப்படும் என்றும் அவர் தனது எக்ஸ் பக்கத்தில் பதிவிட்டுள்ளார்.