ஐ.நா. பொதுச் சபை தலைவராக வங்கதேச வெளியுறவு அமைச்சர் கலீலுர் ரஹ்மான் தேர்வு!

ஐக்கிய நாடுகள் பொதுச் சபையின் 81-வது கூட்டத்தொடரின் தலைவராக வங்கதேச வெளியுறவு அமைச்சர் கலீலுர் ரஹ்மான் தேர்ந்தெடுக்கப்பட்டுள்ளார். இதன்மூலம் வங்கதேசம் தனது வரலாற்றில் ஐ.நா. பொதுச் சபைத் தலைவர் பதவியை அடைவது இது இரண்டாவது முறையாகும்.

இதற்கு முன்பு 1986-87 ஆம் ஆண்டில் வங்கதேசத்தின் ஹுமாயுன் ரஷீத் சவுத்ரி இப்பதவியை வகித்தார். ஐ.நா.வின் தலைமைப் பதவி சுழற்சி முறையில் வழங்கப்படுகிறது. அதன்படி இந்த 81-வது அமர்வுக்கான தலைவர் பதவி ஆசிய-பசிபிக் குழுவிற்கு ஒதுக்கப்பட்டது.

நியூயார்க்கில் உள்ள ஐ.நா. தலைமையகத்தில் 2 ஜூன் அன்று நடைபெற்ற ரகசிய வாக்கெடுப்பில், ரஹ்மான் தனது போட்டியாளரான சைப்ரஸ் நாட்டின் சிறப்புத் தூதுவர் ஆண்ட்ரியாஸ் எஸ். கக்கூரிஸை 8 வாக்குகள் வித்தியாசத்தில் தோற்கடித்து வெற்றிப்பெற்றார்.