மணப்பாறையில் காய்ச்சலுக்கு பெண் பலி: ஸ்டெச்சர் இல்லாததால் உடலை கைகளில் சுமந்து சென்ற தந்தை - மகன்

இறந்த பெண்ணின் உடலை கணவன் மற்றும் மகன் ஸ்டெச்சர் இல்லாமல் கையில் தூக்கி ஆம்புலன்சில் ஏற்றிச்சென்ற சம்பவம் அங்கிருந்த அனைவரையும் அதிர்ச்சி ஆழ்த்தியது. இதற்கிடையே இறந்த பெண்ணிற்கு மூச்சுத்திணறல் ஏற்பட்டு உயிரிழந்ததாக மருத்துவமனை தரப்பில் இருந்து கூறப்படுகிறது.

மணப்பாறை அரசு மருத்துவமனையில் நோயாளிகள் நிலை ஏற்கனவே மிகவும் பரிதாபமாக இருந்து வரும் நிலையில் தற்போது இறந்தவர்களின் உடல்களை ஸ்டெச்சர் கூட இல்லாமல் குடும்பத்தினரே சுமந்து செல்லும் சம்பவம் நிகழ்ந்துள்ளது அனைவரையும் வேதனையடையச் செய்துள்ளது.

இதுபோன்று சம்பவங்களை தடுத்திட உடனடியாக தமிழக அரசு நடவடிக்கை எடுக்க வேண்டும் என்று இறந்த பெண்ணின் குடும்பத்தினரும், பொதுமக்களும் கோரிக்கை விடுத்துள்ளனர்.